- وتكەن تاۋلىكتە وبلىستا كوروناۆيرۋستىڭ 18 جاڭا جاعدايى تىركەلدى، ولاردىڭ 9-ى سەمەيدە انىقتالدى. ونىڭ 8 ەرەسەك، بىرەۋى 4 جاسار بالا. ولاردىڭ ىشىندە 2 پوليسيا قىزمەتكەرى، 2 مەدبيكە، 3 جەكە جانە مەملەكەتتىك كاسىپورىنداردىڭ قىزمەتكەرلەرى، بىرەۋى جۇمىسسىز.
اتالعان 9 جاعداي بويىنشا 16 ينفەكسيا وشاعى بەلگىلەنىپ، قارىم-قاتىناستا بولعان 100-گە جۋىق تۇرعىندار انىقتالدى. تالداۋ ناتيجيەسىنە سايكەس، جۇقتىرعانداردىڭ كوپشىلىگى - الەۋمەتتىك دەڭگەيى جوعارى جانە بەلسەندى ازاماتتار، - دەدى نايليا المەنيەۆا.
ۆيرۋستى جۇقتىرعانداردىڭ جارتىسى قوعامدىق كولىكتى تۇراقتى پايدالانىپ، ءجيى ساۋدا بازارلارى مەن سۋپەرماركەتتەرگە بارىپ جۇرگەن.
قالالىق جەدەل شتابتىڭ مالىمەتتەرى بويىنشا بۇگىنگى تاڭدا سەمەي قالاسىندا كوروناۆيرۋستىق ينفەكسيانى جۇقتىرۋدىڭ 164 جاعدايى تىركەلگەن. بلوك-بەكەتتەر الىنعاننان باستاپ جۇقتىرعانداردىڭ سانى كۇن سايىن ورتا ەسەپپەن 8 جاعدايعا ارتىپ كەلەدى.
تىركەلگەن 100 وشاقتا ءبىر جارىم مىڭ كوروناۆيرۋس جۇقتىرعان ادامدارمەن بايلانىستا بولعاندار باقىلاۋعا الىندى. قوسىمشا سيمپتومسىز رەتىندە 105 جۇقتىرعان ادام تىركەلگەن.
قازىرگى ۋاقىتتا التى ادام اۋىر حالدە جانە ەكەۋى رەانيماسيا پالاتاسىندا جاتىر.
وكىنىشكە وراي، كورونوۆيرۋسپەن قاتار قوسالقى اۋرۋى انىقتالعان 4 ادام قايتىس بولدى.
- قۇرمەتتى جەرلەستەر، الەمدىك عىلىم بۇل ۆيرۋسقا قارسى ۆاكسينانى ءالى تاپپادى. ازىرگە ءتيىمدى قورعانىس، بۇل قاراپايىم قاۋىپسىزدىك ەرەجەلەرىن ساقتاۋ. الەۋمەتتىك قاشىقتىق، جەكە گيگيەنا، جانە بەتپەردە كيۋ سەكىلدى قاراپايىم شارالار اۋرۋدىڭ الدىن الۋعا سەپتىگىن تيگىزەدى.
جەدەل شتاب تاراپىنان ىندەتتى الدىن الۋ ءۇشىن ءتيىستى جۇمىستار جۇرگىزگەنىمەن جەكە باس قاۋىپسىزدىگى ءارقايسىمىزدىڭ جاۋاپكەرشىلىگى ەكەندىگىن ۇمىتپاعانىمىز ءجون. قالامىزدا كورونوۆيرۋستىڭ تارالۋىن توقتاتۋ ماقساتىندا، بارلىق سەمەيلىكتەردى بەكىتىلگەن ەرەجەلەردى ساقتاۋعا شاقىرامىن! – دەدى نايليا المەنيەۆا.
شقو اقپارات ورتالىعى
