Aqtóbede áieldi pyshaqtap óltirý oqiǵasyna qatysty jańa málimetter jariialandy. Qylmys Sátbaev kóshesindegi turǵyn úidiń aýlasynda bolǵan, al marqum sol úidiń birinshi qabatyndaǵy dúkende jumys istegen, dep habarlaidy Dala News «Diapazon» basylymyna silteme jasap.
Basylymnyń málimetinshe, turǵyn úidiń aýlasy beinebaqylaý kameralarymen jabdyqtalǵan, kúzet qyzmeti bar jáne kireberisine shlagbaým ornatylǵan. Qylmys bolǵan jerde trotýardaǵy qan izderi de baiqalǵan, olardy jýyp ketirýge tyrysqan.
Qaza tapqan áiel «Arzan Liýks» dúkeninde jumys istegen. Ol alǵan pyshaq jaraqattarynan oqiǵa ornynda kóz jumǵan.
Buǵan deiin Aqtóbe qalasynda áieldi pyshaqtap óltirgeni habarlanǵan bolatyn. Oqiǵa 10 qazan kúni saǵat 22:30 shamasynda Sátbaev kóshesinde bolǵan. Aldyn ala málimet boiynsha, áiel men er adam burynnan tanys bolǵan, olardyń arasynda janjal týyndaǵan.
Qylmys jasady degen kúdikpen Atyraý qalasynyń 28 jastaǵy turǵyny ustalyp, ýaqytsha ustaý izoliatoryna qamaldy. Aqtóbe oblysynyń politsiia departamenti qylmystyq is qozǵalǵanyn habarlaǵan. Qazir tergeý amaldary júrgizilip, oqiǵanyń sebepteri anyqtalyp jatyr. Politsiia tergeý múddesine bailanysty ózge aqparatty jariialamaǵan.
