Efes Kazakhstan kompaniiasy Qazaqstannyń bioalýantúrliligin saqtaý jónindegi kópjyldyq joba aiasynda jeti búrkitti tabiǵi mekenine jiberdi. Ekologiialyq aktsiia jyl saiyn 4 qazanda atap ótiletin Dúniejúzilik janýarlardy qorǵaý kúnine orai uiymdastyryldy, dep habarlaidy Dalanews.kz.
Búrkit popýliatsiiasyn saqtaý jáne qalpyna keltirýge baǵyttalǵan joba 2019 jyldan beri júzege asyrylyp keledi. Biylǵy búrkitterdi tabiǵi ortaǵa jiberýdi qosa alǵanda, joba bastalǵaly beri barlyǵy 36 búrkit tabiǵatqa jiberildi.
Qustardy tabiǵi ortaǵa jiberýge arnalǵan ǵylymi negizdemeni Qazaqstan Respýblikasy Zoologiia institýty ázirledi. Mamandar aýmaqtyń tabiǵi jaǵdailaryn, qorek qorynyń jetkiliktiligin jáne búrkitterdiń tabiǵi ortaǵa sátti beiimdelýine qajetti ózge de faktorlardy zerttedi.
Tabiǵatqa jiberilmes buryn búrkitter qajetti daiyndyqtan ótip, veterinariialyq tekserýden ótti. Qustardy jiberetin aýmaq ǵylymi usynymdar negizinde tańdalyp, olardyń tirshilik etýine jáne keiinnen taralýyna qolaily meken retinde anyqtaldy.
Efes Kazakhstan kompaniiasynyń memlekettik organdarmen bailanys jónindegi direktory Shyńǵys Káskeevtiń aitýynsha, búrkitti qorǵaý bastamasy Qazaqstannyń tabiǵi murasyn saqtaýǵa baǵyttalǵan mańyzdy jobalardyń biri.
Efes Kazakhstan kompaniiasynyń úkimetpen bailanys jónindegi direktory Chingis Kaskeev:
«Búrkit Qazaqstannyń tarihy men mádenietinde erekshe oryn alady jáne elimizdiń basty nyshandarynyń biri sanalady. Segizinshi jyl qatarynan jalǵasyp kele jatqan bul joba arqyly biz Qazaqstannyń bioalýantúrliligi men tabiǵi murasyn saqtaýǵa naqty úles qosýdy kózdeimiz. Búgin taǵy jeti búrkit tabiǵi ortaǵa oraldy. Osylaisha, joba aiasynda erkin tabiǵatqa jiberilgen qustardyń jalpy sany 36-ǵa jetti»
Dúniejúzilik janýarlardy qorǵaý kúni jyl saiyn 4 qazanda atap ótiledi. Bul kún janýarlar dúniesin saqtaý, olardyń tabiǵi meken etý ortasyn qorǵaý jáne adamnyń tabiǵatqa jaýapkershilikpen qaraýy máselelerine qoǵam nazaryn aýdarýǵa baǵyttalǵan.
Búrkitterdi tabiǵi ortaǵa jiberý jobasy Efes Kazakhstan kompaniiasynyń uzaq merzimdi ekologiialyq bastamalarynyń bir bóligi bolyp tabylady. Joba salalyq sarapshylardyń qatysýymen júzege asyrylyp, elimizdiń bioalýantúrliligin saqtaýǵa baǵyttalǵan.
