TikTok jelisinde Erjan Moldahmetov esimdi qoldanýshy Memleket basshysy Qasym-Jomart Toqaevqa videoúndeý jariialady, dep habarlaidy Dalanews.kz.
Ózin Almaty oblysy Raiymbek aýdany Uzaq aýyldyq okrýginiń turǵyny retinde tanystyrǵan azamat kópbalaly analarǵa tólenetin tólemge qatysty máseleni kóterdi.
“Qurmetti Prezident myrza! Siz taý basynda otyryp sai-salany kórmeisiz. “Aspannan shuǵa jaýsa, qulǵa ultaraq ta joq” degen qazaqta uly sóz bar edi. Búgingi tańda 1973 jylǵy 14 qańtarda dúniege kelgen áielim alty balamen, “Kúmis medalmen” nebári 5 176 teńge zeinetaqyǵa shyqty”, - deidi ol.
Video avtory bul somanyń jetkiliksiz ekenin aityp, áleýmettik tólemder kólemin qaita qaraýdy surady.
“Bizde, Qazaqstanda, qańǵybas itterge aiyna 20 myń teńge aqsha bóledi eken. Sondai-aq bir sottalýshyǵa kúnine 7 500 teńge qarajat jumsalady. Iaǵni elimizdegi 30 myń sottalýshyǵa táýligine 225 million teńge ketedi. Al endi osyndai kópbalaly analarǵa bólinip jatqan 5 176 teńge zeinetaqyǵa ne keledi? Bizde bir qap un 12 myń teńge turady. Endi ony satyp alý úshin eki ai zeinetaqyny kútý kerek pe? Osyndai zańdardy kim, qai jerimen oilap shyǵaryp jatyr?”, - dep shúilikti ol.
Erjan Moldahmetov óz úndeýinde depýtattardy halyqtyń muń-muqtajyna jaqyn bolýǵa shaqyryp, kópbalaly analardy qoldaý sharalaryn kúsheitýdi ótindi. Sondai-aq ol aýyldaǵy turmys aýyr ekenin, eldi mekenge áli gaz tartylmaǵanyn, turǵyndar kómir jaǵyp otyrǵanyn atap ótti.
“Bizdiń depýtattar - Ardaq Nazarov, Janarbek Áshimjan jáne Janbolat Jórgenbaev - sizder halyqtyń muń-muqtajyn jetkizetin, eldiń ishinde, elmen birge bolýlaryńyz kerek edi. Al búgingi tańda sizder men halyqtyń arasyndaǵy alshaqtyq ulǵaiyp bara jatyr. Óitkeni sizderdiń qaryndaryńyz toiyp qalǵan bolý kerek.
Qazirgi tańda aýyldyń turmys-tirshiliginiń aýyrlyǵy sonshalyqty, bizge áli gaz kelgen joq, áli de kómir jaǵyp, kúl shyǵaramyz. Sol siiaqty áiel adamdardyń istep jatqan jumystary óte aýyr.
Osyny eskere otyryp, osy zańdardy qaitadan qarastyryp, qazaq áielderine degen qoldaýdy kúsheitýlerińizdi suraimyn. “El bolamyn deseń - besigińdi túze” deidi. Altyn qursaqty analardyń búgin qadiri bolmai turǵany ókinishti”, - dedi Erjan.
Ol memlekette analardyń jaǵdaiyna qarap, elge janashyrlyq tanytatyn adam tabylmai otyrǵanyn aityp qynjyldy.
“5 176 teńge alǵannan keiin qazaq analary jas urpaqty qalai kóbeitedi? “Bolsań - ol bol, qaqyń joq uiyqtap jatqan sábidi terbetýge…”, - dep sózin túiindedi Moldahmetov.
Qazirgi ýaqytta resmi organdar bul úndeýge qatysty pikir bildirgen joq.
