Memleket basshysy Qasym-Jomart Toqaev TMD aiasyndaǵy radiatsiialyq jaǵdai monitoringi jáne «jasyl» energiia salasyndaǵy strategiialyq áriptestikke qatysty eki zańǵa qol qoidy, dep habarlaidy Dala News.
Birinshi qujat TMD-ǵa qatysýshy memleketter arasynda radiatsiialyq jaǵdai monitoringiniń derekterimen almasý boiynsha ózara is-qimyldy kózdeidi. Bul kelisim radiatsiialyq qaýipsizdik salasynda aqparat almasýdy kúsheitýge baǵyttalǵan.
Sonymen qatar Prezident Ázerbaijan, Qazaqstan jáne Ózbekstan arasyndaǵy jasyl energiiany óndirý jáne berý salasyndaǵy strategiialyq áriptestik týraly kelisimdi ratifikatsiialaý týraly zańǵa qol qoidy. Qujat óńirlik deńgeide jańartylatyn energiia kózderin damytýǵa jáne energiia almasýdy keńeitýge múmkindik beredi.
Zań mátinderi baspasózde jariialanady.
