Aldaǵy ýaqytta oblys 47 myń tonna qant óndirý josparlap otyr. Bul óńirdiń qantqa degen suranysyn tolyq jaýyp (11 myń tn), ónimdi elimizdiń ózge óńirlerine shyǵarýǵa múmkindik beredi.
Bul týraly Eskeldi aýdanyndaǵy «Taý Jetisý» bazasynda Ortalyq kommýnikatsiialar qyzmetiniń uiymdastyrýymen ótken brifingte Jetisý oblysy ákimi Beibit Isabaev aitty.
Sol siiaqty óz baiandamasynda oblys basshysy sý sharýashylyǵy nysandaryn qaita jańǵyrtý men jóndeý jumystaryna qatysty qolǵa jumystar jaiynda da áńgimeledi.
Onyń aitýynsha, Islam Damý Banki qarajaty esebinen Aqsý aýdanynda 6,3 mlrd teńgege sýarý júielerinde qurylys jumystary biyl aiaqtalsa, bul baǵyttaǵy jumystar Kóksý aýdanynda osy jyly bastalady. Bul jumystarǵa 8,3 mlrd. teńge qarastyrylǵan.
Qalǵa alynǵan sharalardyń nátijesinde Aqsý aýdanynda 11,5 myń gektar, Kóksýda 13,6 myń gektar jer sýmen qamtylady.
– Aqsý aýdanyndaǵy Qyzylaǵash sýarý massiviniń qurylysyna respýblikalyq biýdjetten 8,9 mlrd teńge bólinip, búgingi kúnge sý qubyrlary salyna bastady. Biyl bitýi tiis.
Osynyń arqasynda 6,7 myń gektar jerge sýarý júieleri salynady, onyń 5,3 myń gektar jańa jerler. Jalpy 30 myń gektar alqap sýarmaly sýmen qamtylady, – dedi Beibit Isabaev.
