Aqparatty Qylmystyq-atqarý júiesi komitetiniń baspasóz qyzmeti rastady.
Resmi túrde Berik Bilálov Soltústik Qazaqstan oblysy ishki ister departamentiniń basshysy bolyp taǵaiyndalmaǵan. Ol 2022 jyldyń qarashasynan bastap departament basshysynyń mindetin atqarǵan.
Komitettiń baspasóz qyzmeti SQO-ǵa Bilálov eki aiǵa issaparǵa jiberilgenin jáne bir apta buryn ol jaqtan qaityp kelgenin málimdedi.
Vedomstva ustalǵan sátte onyń qylmystyq-atqarý júiesi komitetinde jumys istemegenin atap ótti.
Áleýmettik jelide Bilálovtyń 40 million teńgege jýyq para alý faktisi boiynsha ustalǵany týraly aqparat taralyp jatyr.
"Paragraf" portalyndaǵy málimetterge súiensek, 60 jastaǵy Berik Bilálovtiń politsiia general-maiory ataǵy bar. Eńbek jolyn ol 1990 jyly ýchaskelik politsiia inspektory qyzmetinen bastaǵan. Ár jyldary Soltústik Qazaqstan oblysynyń IIB, IID-de basshylyq qyzmetter atqarǵan.
Sondai-aq SQO, Aqmola oblysynyń politsiia departamentterin, IIM Kriminaldyq politsiia komitetin basqarǵan. IIM-niń ortalyq apparatynda jumys istegen. Sonymen qatar Uiymdasqan qylmyspen jáne TMD aýmaǵyndaǵy ózge qylmystarmen kúresti úilestirý biýrosynda ókiletti ókil bolǵan.
Derekkóz: nege.kz
