اقپاراتتى قىلمىستىق-اتقارۋ جۇيەسى كوميتەتىنىڭ باسپا ءسوز قىزمەتى راستادى.
رەسمي تۇردە بەرىك ءبىلالوۆ سولتۇستىك قازاقستان وبلىسى ىشكى ىستەر دەپارتامەنتىنىڭ باسشىسى بولىپ تاعايىندالماعان. ول 2022 جىلدىڭ قاراشاسىنان باستاپ دەپارتامەنت باسشىسىنىڭ مىندەتىن اتقارعان.
كوميتەتتىڭ باسپا ءسوز قىزمەتى سقو-عا ءبىلالوۆ ەكى ايعا ءىسساپارعا جىبەرىلگەنىن جانە ءبىر اپتا بۇرىن ول جاقتان قايتىپ كەلگەنىن مالىمدەدى.
ۆەدومستۆا ۇستالعان ساتتە ونىڭ قىلمىستىق-اتقارۋ جۇيەسى كوميتەتىندە جۇمىس ىستەمەگەنىن اتاپ ءوتتى.
الەۋمەتتىك جەلىدە ءبىلالوۆتىڭ 40 ميلليون تەڭگەگە جۋىق پارا الۋ فاكتىسى بويىنشا ۇستالعانى تۋرالى اقپارات تارالىپ جاتىر.
"پاراگراف" پورتالىنداعى مالىمەتتەرگە سۇيەنسەك، 60 جاستاعى بەرىك ءبىلالوۆتىڭ پوليسيا گەنەرال-مايورى اتاعى بار. ەڭبەك جولىن ول 1990 جىلى ۋچاسكەلىك پوليسيا ينسپەكتورى قىزمەتىنەن باستاعان. ءار جىلدارى سولتۇستىك قازاقستان وبلىسىنىڭ ءىىب، ىىد-دە باسشىلىق قىزمەتتەر اتقارعان.
سونداي-اق سقو، اقمولا وبلىسىنىڭ پوليسيا دەپارتامەنتتەرىن، ءىىم كريمينالدىق پوليسيا كوميتەتىن باسقارعان. ءىىم-نىڭ ورتالىق اپپاراتىندا جۇمىس ىستەگەن. سونىمەن قاتار ۇيىمداسقان قىلمىسپەن جانە تمد اۋماعىنداعى وزگە قىلمىستارمەن كۇرەستى ۇيلەستىرۋ بيۋروسىندا وكىلەتتى وكىل بولعان.
دەرەككوز: nege.kz
