Máselen, sharýalar 25,6 myń ga jazdyq arpa, 28,3 myń ga jońyshqa, 43,4 myń ga maqsary, 7,2 myń ga kartop, 14,8 myń ga kókónis, 11,4 myń ga baqsha egti. Egý jumystary jalǵasýda. Meje boıynsha oblysta 42 myń ga jerge arpa, 109,5 myń ga maqsary, 51,6 myń ga jońyshqa, 15,5 myń ga kartop jáne 60 myń ga baqsha daqyldary men kókónis 41 myń gektar jerge, ıaǵnı jalpy 320 myń gektarǵa kóktemgi egistik egilmek.
Al kóktemgi dala jumystaryn merziminde atqarýǵa oblysta tolyq múmkindik bar ekenin oblystyq aýyl sharýashylyǵy basqarmasynyń mamandary alǵa tartty. Olardyń aıtýynsha, bıylǵy jyly aýyl sharýashylyǵy daqyldarynyń egis kólemi 833,1 myń ga nemese ótken jyldan 6,8 myń ga artyq mejelenip otyr eken. Onyń ishinde arpa 42 myń ga, maıly daqyl 116,5 myń ga, dándik júgeri – 54 myń ga, maqta – 105 myń ga, kókónis, baqsha, kartop – 117,5 myń ga, mal azyqtyq daqyldar – 237,8 myń gektar.
Sondaı-aq, mamandar kóktemgi dala jumystaryn júrgizýge oblysqa 38 myń tonna janarmaı Shymkent munaı óńdeý zaýytynan bólingenin atap ótti. Al janar maı tasymaldaýshy operatorlar tizimi belgilenip, munaı óńdeý zaýytymen kelisim-shart jasalynǵan.
