320 مىڭ گەكتارعا كٶكتەمگٸ ەگٸس ەگٸلدٸ
مەسەلەن, شارۋالار 25,6 مىڭ گا جازدىق ارپا, 28,3 مىڭ گا جوڭىشقا, 43,4 مىڭ گا ماقسارى, 7,2 مىڭ گا كارتوپ, 14,8 مىڭ گا كٶكٶنٸس, 11,4 مىڭ گا باقشا ەگتٸ. ەگۋ جۇمىستارى جالعاسۋدا. مەجە بويىنشا وبلىستا 42 مىڭ گا جەرگە ارپا, 109,5 مىڭ گا ماقسارى, 51,6 مىڭ گا جوڭىشقا, 15,5 مىڭ گا كارتوپ جەنە 60 مىڭ گا باقشا داقىلدارى مەن كٶكٶنٸس 41 مىڭ گەكتار جەرگە, ياعني جالپى 320 مىڭ گەكتارعا كٶكتەمگٸ ەگٸستٸك ەگٸلمەك.
ال كٶكتەمگٸ دالا جۇمىستارىن مەرزٸمٸندە اتقارۋعا وبلىستا تولىق مٷمكٸندٸك بار ەكەنٸن وبلىستىق اۋىل شارۋاشىلىعى باسقارماسىنىڭ ماماندارى العا تارتتى. ولاردىڭ ايتۋىنشا, بيىلعى جىلى اۋىل شارۋاشىلىعى داقىلدارىنىڭ ەگٸس كٶلەمٸ 833,1 مىڭ گا نەمەسە ٶتكەن جىلدان 6,8 مىڭ گا ارتىق مەجەلەنٸپ وتىر ەكەن. ونىڭ ٸشٸندە ارپا 42 مىڭ گا, مايلى داقىل 116,5 مىڭ گا, دەندٸك جٷگەرٸ – 54 مىڭ گا, ماقتا – 105 مىڭ گا, كٶكٶنٸس, باقشا, كارتوپ – 117,5 مىڭ گا, مال ازىقتىق داقىلدار – 237,8 مىڭ گەكتار.
سونداي-اق, ماماندار كٶكتەمگٸ دالا جۇمىستارىن جٷرگٸزۋگە وبلىسقا 38 مىڭ توننا جانارماي شىمكەنت مۇناي ٶڭدەۋ زاۋىتىنان بٶلٸنگەنٸن اتاپ ٶتتٸ. ال جانار ماي تاسىمالداۋشى وپەراتورلار تٸزٸمٸ بەلگٸلەنٸپ, مۇناي ٶڭدەۋ زاۋىتىمەن كەلٸسٸم-شارت جاسالىنعان.
