Almaty halyqaralyq týristik ári iskerlik hab retindegi mártebesin nyǵaitýdy jalǵastyryp keledi. 2026 jylǵy 31 mamyrdan bastap megapolis turǵyndary men qonaqtary Polsha astanasy — Varshava qalasyna tikelei usha alady. Almaty – Varshava baǵyty boiynsha jańa reisti Polshanyń ulttyq áýe tasymaldaýshysy LOT Polish Airlines iske qosady, dep habarlaidy dalanews.kz.
Áýe reisteri zamanaýi Boeing 737 MAX ushaqtarymen aptasyna tórt ret oryndalady.
Jańa baǵyttyń ashylýyna orai 1 maýsym kúni Almatyǵa polshalyq týroperatorlar men trevel-blogerlerden quralǵan delegatsiia keledi. Qonaqtar úshin qalamen tanysýǵa arnalǵan mazmundy baǵdarlama ázirlengen. Baǵdarlama aiasynda olar Almatynyń basty kórikti jerlerin, zamanaýi týristik infraqurylymyn, gastronomiialyq oryndaryn aralap, Ile Alataýyndaǵy demalys aimaqtaryna barady.
Sonymen qatar Polsha týristik indýstriiasynyń ókilderi almatylyq týroperatorlar jáne biznes qaýymdastyq ókilderimen kezdesip, birlesken jobalar men ózara yntymaqtastyq múmkindikterin talqylaidy.
