الماتى حالىقارالىق تۋريستٸك ەرٸ ٸسكەرلٸك حاب رەتٸندەگٸ مەرتەبەسٸن نىعايتۋدى جالعاستىرىپ كەلەدٸ. 2026 جىلعى 31 مامىردان باستاپ مەگاپوليس تۇرعىندارى مەن قوناقتارى پولشا استاناسى — ۆارشاۆا قالاسىنا تٸكەلەي ۇشا الادى. الماتى – ۆارشاۆا باعىتى بويىنشا جاڭا رەيستٸ پولشانىڭ ۇلتتىق ەۋە تاسىمالداۋشىسى LOT Polish Airlines ٸسكە قوسادى, دەپ حابارلايدى dalanews.kz.
ەۋە رەيستەرٸ زاماناۋي Boeing 737 MAX ۇشاقتارىمەن اپتاسىنا تٶرت رەت ورىندالادى.
جاڭا باعىتتىڭ اشىلۋىنا وراي 1 ماۋسىم كٷنٸ الماتىعا پولشالىق تۋروپەراتورلار مەن ترەۆەل-بلوگەرلەردەن قۇرالعان دەلەگاتسييا كەلەدٸ. قوناقتار ٷشٸن قالامەن تانىسۋعا ارنالعان مازمۇندى باعدارلاما ەزٸرلەنگەن. باعدارلاما اياسىندا ولار الماتىنىڭ باستى كٶرٸكتٸ جەرلەرٸن, زاماناۋي تۋريستٸك ينفراقۇرىلىمىن, گاسترونومييالىق ورىندارىن ارالاپ, ٸلە الاتاۋىنداعى دەمالىس ايماقتارىنا بارادى.
سونىمەن قاتار پولشا تۋريستٸك يندۋستريياسىنىڭ ٶكٸلدەرٸ الماتىلىق تۋروپەراتورلار جەنە بيزنەس قاۋىمداستىق ٶكٸلدەرٸمەن كەزدەسٸپ, بٸرلەسكەن جوبالار مەن ٶزارا ىنتىماقتاستىق مٷمكٸندٸكتەرٸن تالقىلايدى.
