Ádiletsizdikten japa shegý, ótirikpen ómir súrý ádepki dúniege ainalǵany jasyryn emes. Dál osy ýaqytta elimizde ótirik zaýyttar ashylyp, ótirik áńgimeler kóp aityldy.
Ádiletsizdik pen ótirikpen ómir súrgen sormańdai qazaq endi jemqorlyq, aldap-arbaýmen ómir súrýine týra keldi. Ótkenge salaýat aitý, ulttyq qundylyqtardy nasihattaý imitatsiia deńgeiinen aspady.
Kóbik sóz alǵa shyqty. «Aldymen – ekonomika, sodan keiin – saiasat» degen jalań uranmen ómir súrdik. Saiasatty aitpaǵanda, ekonomika salasynda alǵa jyljýshylyq bolmady.
Kezinde Qonaevtyń arqasynda salynǵan zaýyt-fabrikalar tiynǵa satylyp, el ekonomikasy kúiredi. KSRO-nyń úshinshi ekonomikasy bolǵan Qazaqstannyń ekonomikasy qatty quldyraýdy bastan ótkerdi.
«Aldymen – ekonomika, sodan keiin – saiasat» degen qaǵidattyń bos áńgime ekenine kózimiz jetti. Memlekettik apparat bir ǵana adamnyń qas qabaǵyna qarap, sonyń biligin nyǵaitý ómirlik muratqa ainaldy.
Osylaisha, Nazarbaev biligi Keńes zamanynan sozylyp kele jatqan ádiletsizdik ary qarai jalǵasyp, Qazaqstandy jemqorlyqtyń batpaǵyna batyra tústi.
Nurlan JUMAHAN, jýrnalist
