ادىلەتسىزدىكتەن جاپا شەگۋ، وتىرىكپەن ءومىر ءسۇرۋ ادەپكى دۇنيەگە اينالعانى جاسىرىن ەمەس. ءدال وسى ۋاقىتتا ەلىمىزدە وتىرىك زاۋىتتار اشىلىپ، وتىرىك اڭگىمەلەر كوپ ايتىلدى.
ادىلەتسىزدىك پەن وتىرىكپەن ءومىر سۇرگەن سورماڭداي قازاق ەندى جەمقورلىق، الداپ-ارباۋمەن ءومىر سۇرۋىنە تۋرا كەلدى. وتكەنگە سالاۋات ايتۋ، ۇلتتىق قۇندىلىقتاردى ناسيحاتتاۋ يميتاسيا دەڭگەيىنەن اسپادى.
كوبىك ءسوز العا شىقتى. «الدىمەن – ەكونوميكا، سودان كەيىن – ساياسات» دەگەن جالاڭ ۇرانمەن ءومىر سۇردىك. ساياساتتى ايتپاعاندا، ەكونوميكا سالاسىندا العا جىلجۋشىلىق بولمادى.
كەزىندە قونايەۆتىڭ ارقاسىندا سالىنعان زاۋىت-فابريكالار تيىنعا ساتىلىپ، ەل ەكونوميكاسى كۇيرەدى. كسرو-نىڭ ءۇشىنشى ەكونوميكاسى بولعان قازاقستاننىڭ ەكونوميكاسى قاتتى قۇلدىراۋدى باستان وتكەردى.
«الدىمەن – ەكونوميكا، سودان كەيىن – ساياسات» دەگەن قاعيداتتىڭ بوس اڭگىمە ەكەنىنە كوزىمىز جەتتى. مەملەكەتتىك اپپارات ءبىر عانا ادامنىڭ قاس قاباعىنا قاراپ، سونىڭ بيلىگىن نىعايتۋ ومىرلىك مۇراتقا اينالدى.
وسىلايشا، نازاربايەۆ بيلىگى كەڭەس زامانىنان سوزىلىپ كەلە جاتقان ادىلەتسىزدىك ارى قاراي جالعاسىپ، قازاقستاندى جەمقورلىقتىڭ باتپاعىنا باتىرا ءتۇستى.
نۇرلان جۇماحان، جۋرناليست
