Qazaqstanda otyz jyldan beri jumys istep kele jatqan sheteldik munai servistik kompaniialar 50 mlrd dollardan astam tabys tapqan. Bul týraly Qazaqstannyń munai servistik kompaniialar odaǵynyń tóraǵasy Almas Qudaibergen málimdedi.
Odaq basshysynyń sózine súiensek, Qazaqstanda álemniń eń úzdik 200 munai servistik kompaniialary qataryna kiretin 25 halyqaralyq merdiger bar eken.
- Esebimiz boiynsha, Qazaqstanda jumys istegen 30 jyl ishinde olar 50 mlrd dollardan astam qarajat tapqan. Osyny eskersek, ol kompaniialar bizge moraldyq turǵydan qaryzdar dep oilaimyz. Sondyqtan halyqaralyq jobalaryna qazaqstandyq kompaniialar men mamandardy tartýy kerek, - dedi Almas Qudaibergen.
Osylaisha sheteldik kompaniialar endi jobalaryna qazaqstandyq qosalqy merdigerler men mamandardy tartýǵa qatysty kelisim jasaldy.
- Energetika ministrligi men sheteldik kompaniialar ókilderimen birlesip birqatar jinalys ótkizdik. Naqty Katar boiynsha aitar bolsaq, mysaly, belsendi jumys isteimiz dep sheshildi. Qazaqstan-Katar saýda-ónerkásip palatasy quryldy. Katar gaz rezervi qory boiynsha Resei men Irannan keiingi úshinshi orynda turǵanyn atap ótý kerek, - deidi odaq tóraǵasy.
