قازاقستاندا وتىز جىلدان بەرٸ جۇمىس ٸستەپ كەلە جاتقان شەتەلدٸك مۇناي سەرۆيستٸك كومپانييالار 50 ملرد دوللاردان استام تابىس تاپقان. بۇل تۋرالى قازاقستاننىڭ مۇناي سەرۆيستٸك كومپانييالار وداعىنىڭ تٶراعاسى الماس قۇدايبەرگەن مەلٸمدەدٸ.
وداق باسشىسىنىڭ سٶزٸنە سٷيەنسەك, قازاقستاندا ەلەمنٸڭ ەڭ ٷزدٸك 200 مۇناي سەرۆيستٸك كومپانييالارى قاتارىنا كٸرەتٸن 25 حالىقارالىق مەردٸگەر بار ەكەن.
- ەسەبٸمٸز بويىنشا, قازاقستاندا جۇمىس ٸستەگەن 30 جىل ٸشٸندە ولار 50 ملرد دوللاردان استام قاراجات تاپقان. وسىنى ەسكەرسەك, ول كومپانييالار بٸزگە مورالدىق تۇرعىدان قارىزدار دەپ ويلايمىز. سوندىقتان حالىقارالىق جوبالارىنا قازاقستاندىق كومپانييالار مەن مامانداردى تارتۋى كەرەك, - دەدٸ الماس قۇدايبەرگەن.
وسىلايشا شەتەلدٸك كومپانييالار ەندٸ جوبالارىنا قازاقستاندىق قوسالقى مەردٸگەرلەر مەن مامانداردى تارتۋعا قاتىستى كەلٸسٸم جاسالدى.
- ەنەرگەتيكا مينيسترلٸگٸ مەن شەتەلدٸك كومپانييالار ٶكٸلدەرٸمەن بٸرلەسٸپ بٸرقاتار جينالىس ٶتكٸزدٸك. ناقتى كاتار بويىنشا ايتار بولساق, مىسالى, بەلسەندٸ جۇمىس ٸستەيمٸز دەپ شەشٸلدٸ. قازاقستان-كاتار ساۋدا-ٶنەركەسٸپ پالاتاسى قۇرىلدى. كاتار گاز رەزەرۆٸ قورى بويىنشا رەسەي مەن يراننان كەيٸنگٸ ٷشٸنشٸ ورىندا تۇرعانىن اتاپ ٶتۋ كەرەك, - دەيدٸ وداق تٶراعاسى.
