Qazaqstanda 2,18 mln shaǵyn jáne orta biznes sýbektisi jumys isteidi, olardyń 71%-dan astamy – jeke kásipkerler. Buryn shaǵyn biznestegi keibir zańbuzýshylyqtar baiqalmai qalýy múmkin bolsa, qazir salyq júiesi operatsiialardyń basym bóligin is júzinde naqty ýaqyt rejiminde kórip otyr, dep habarlaidy dalanews.kz.
Bank operatsiialary, elektrondy shot-faktýralar, onlain-kassalar jáne kontragentter týraly málimetter avtomatty túrde salystyrylady. Sondyqtan kóptegen zańbuzýshylyq bastapqy kezeńde-aq anyqtalady.
Qazaq Expert Club sarapshysy, qarjyger ári salyq keńesshisi Raýshan Tasshoinova óziniń Telegram-arnasynda jazǵandai, jeke kásipkerler arasyndaǵy eń keń taraǵan máselelerdiń biri – «ádetpen jumys isteý».
«2026 jyly Salyq kodeksine engizilgen ózgeristerden keiin biznes kúndelikti jumysta qymbatqa túsetin qatelikterge jii tap bolyp jatyr», – deidi Tasshoinova.
Onyń aitýynsha, biznes kóbine qarapaiym qatelikterden shyǵynǵa batady: salyq rejimin qaita qaramaǵan, QQS máselesin ótkizip alǵan, jeke tulǵalarǵa tólemderdi durys rásimdemegen, mámilege qatysty qujattardy jinamaǵan nemese esepti kesh tapsyrǵan.
Qosymsha táýekelge jeke jáne kásipkerlik operatsiialardy aralastyrý da sebep bolady.
«Biznes operatsiialary úshin jeke kartalardy paidalaný, esepke alynbaǵan aýdarymdar jáne onlain-kassadaǵy málimetter men naqty túsim arasyndaǵy aiyrmashylyqtar salyq organdary tarapynan suraqtardyń týyndaýyna jii negiz bolyp otyr», – dep túsindiredi sarapshy.
Taǵy bir keń taraǵan qatelik QQS-pen bailanysty. 2026 jyldan bastap mindetti tirkeý shegi 10 000 AEK bolyp belgilendi – bul shamamen 43,2 mln teńge. Eger kompaniia osy shekten asyp ketip, ýaqytynda QQS tóleýshi retinde tirkelmese, oǵan 50 AEK kóleminde aiyppul salynady. Sonymen qatar tirkeýsiz júrgizilgen ainalymnyń 15%-y kóleminde qosymsha salyq eseptelýi múmkin.
«Qazir bastapqy qujattardyń ózi jetkiliksiz. Salyq organdary jetkizýshiniń jumysty nemese qyzmetti shyn máninde oryndai alǵan-almaǵanyn, onyń qyzmetkerleri, qajetti resýrstary bolǵan-bolmaǵanyn jáne mindettemelerdiń oryndalǵanyn da baǵalaidy», – deidi Tasshoinova.
2026 jylǵy eń mańyzdy ózgeristerdiń biri jeńildetilgen deklaratsiiamen jumys isteitin jetkizýshilerden satyp alýǵa qatysty boldy. Endi jalpyǵa birdei salyq rejimindegi kompaniialar mundai jetkizýshilerden alynǵan taýarlar, jumystar men qyzmetter boiynsha salyqtyq shegerim jasaý quqyǵynan aiyrylady.
«Bul biznes úshin aiyppulsyz jáne tekserýsiz-aq tikelei qarjylyq shyǵynǵa ákeledi. Mysaly, jalpyǵa birdei rejimdegi JShS jeńildetilgen rejimdegi jetkizýshiden 10 mln teńgege qyzmet satyp alsa, korporativtik tabys salyǵy boiynsha qosymsha júkteme 20% mólsherlememen shamamen 2 mln teńgeni quraýy múmkin», – dep qosty salyq keńesshisi.
Sarapshy sheteldik kontragenttermen jumys isteý kezindegi jii kezdesetin qatelikterge de nazar aýdardy.
Kóptegen kompaniia marketingke, jazylymdarǵa jáne beirezidentterdiń qyzmetterine tólem jasaýǵa formaldy qaraidy. Alaida mundai jaǵdaida salyqtyq saldardy kelisimshart jasalǵan kezeńde-aq baǵalaý qajet.
«Salyq júiesi áldeqaida tsifrlanyp, kez kelgen sáikessizdikke óte sezimtal boldy. Kásipkerler úshin salyq rejimin, esep aiyrysý qurylymyn jáne kontragenttermen jumysty turaqty túrde qaita qarap otyrý mańyzdy. Kóp jaǵdaida táýekelderdi aldyn ala tekserý keiin qosymsha salyq esepteýlerimen, shot buǵattaýmen jáne aiyppuldarmen betpe-bet kelgennen áldeqaida arzanǵa túsedi», – dep qorytyndylady sarapshy.
