قازاقستاندا 2,18 ملن شاعىن جەنە ورتا بيزنەس سۋبەكتٸسٸ جۇمىس ٸستەيدٸ, ولاردىڭ 71%-دان استامى – جەكە كەسٸپكەرلەر. بۇرىن شاعىن بيزنەستەگٸ كەيبٸر زاڭبۇزۋشىلىقتار بايقالماي قالۋى مٷمكٸن بولسا, قازٸر سالىق جٷيەسٸ وپەراتسييالاردىڭ باسىم بٶلٸگٸن ٸس جٷزٸندە ناقتى ۋاقىت رەجيمٸندە كٶرٸپ وتىر, دەپ حابارلايدى dalanews.kz.
بانك وپەراتسييالارى, ەلەكتروندى شوت-فاكتۋرالار, ونلاين-كاسسالار جەنە كونتراگەنتتەر تۋرالى مەلٸمەتتەر اۆتوماتتى تٷردە سالىستىرىلادى. سوندىقتان كٶپتەگەن زاڭبۇزۋشىلىق باستاپقى كەزەڭدە-اق انىقتالادى.
Qazaq Expert Club ساراپشىسى, قارجىگەر ەرٸ سالىق كەڭەسشٸسٸ راۋشان تاسشوينوۆا ٶزٸنٸڭ Telegram-ارناسىندا جازعانداي, جەكە كەسٸپكەرلەر اراسىنداعى ەڭ كەڭ تاراعان مەسەلەلەردٸڭ بٸرٸ – «ەدەتپەن جۇمىس ٸستەۋ».
«2026 جىلى سالىق كودەكسٸنە ەنگٸزٸلگەن ٶزگەرٸستەردەن كەيٸن بيزنەس كٷندەلٸكتٸ جۇمىستا قىمباتقا تٷسەتٸن قاتەلٸكتەرگە جيٸ تاپ بولىپ جاتىر», – دەيدٸ تاسشوينوۆا.
ونىڭ ايتۋىنشا, بيزنەس كٶبٸنە قاراپايىم قاتەلٸكتەردەن شىعىنعا باتادى: سالىق رەجيمٸن قايتا قاراماعان, ققس مەسەلەسٸن ٶتكٸزٸپ العان, جەكە تۇلعالارعا تٶلەمدەردٸ دۇرىس رەسٸمدەمەگەن, مەمٸلەگە قاتىستى قۇجاتتاردى جيناماعان نەمەسە ەسەپتٸ كەش تاپسىرعان.
قوسىمشا تەۋەكەلگە جەكە جەنە كەسٸپكەرلٸك وپەراتسييالاردى ارالاستىرۋ دا سەبەپ بولادى.
«بيزنەس وپەراتسييالارى ٷشٸن جەكە كارتالاردى پايدالانۋ, ەسەپكە الىنباعان اۋدارىمدار جەنە ونلاين-كاسساداعى مەلٸمەتتەر مەن ناقتى تٷسٸم اراسىنداعى ايىرماشىلىقتار سالىق ورگاندارى تاراپىنان سۇراقتاردىڭ تۋىنداۋىنا جيٸ نەگٸز بولىپ وتىر», – دەپ تٷسٸندٸرەدٸ ساراپشى.
تاعى بٸر كەڭ تاراعان قاتەلٸك ققس-پەن بايلانىستى. 2026 جىلدان باستاپ مٸندەتتٸ تٸركەۋ شەگٸ 10 000 اەك بولىپ بەلگٸلەندٸ – بۇل شامامەن 43,2 ملن تەڭگە. ەگەر كومپانييا وسى شەكتەن اسىپ كەتٸپ, ۋاقىتىندا ققس تٶلەۋشٸ رەتٸندە تٸركەلمەسە, وعان 50 اەك كٶلەمٸندە ايىپپۇل سالىنادى. سونىمەن قاتار تٸركەۋسٸز جٷرگٸزٸلگەن اينالىمنىڭ 15%-ى كٶلەمٸندە قوسىمشا سالىق ەسەپتەلۋٸ مٷمكٸن.
«قازٸر باستاپقى قۇجاتتاردىڭ ٶزٸ جەتكٸلٸكسٸز. سالىق ورگاندارى جەتكٸزۋشٸنٸڭ جۇمىستى نەمەسە قىزمەتتٸ شىن مەنٸندە ورىنداي العان-الماعانىن, ونىڭ قىزمەتكەرلەرٸ, قاجەتتٸ رەسۋرستارى بولعان-بولماعانىن جەنە مٸندەتتەمەلەردٸڭ ورىندالعانىن دا باعالايدى», – دەيدٸ تاسشوينوۆا.
2026 جىلعى ەڭ ماڭىزدى ٶزگەرٸستەردٸڭ بٸرٸ جەڭٸلدەتٸلگەن دەكلاراتسييامەن جۇمىس ٸستەيتٸن جەتكٸزۋشٸلەردەن ساتىپ الۋعا قاتىستى بولدى. ەندٸ جالپىعا بٸردەي سالىق رەجيمٸندەگٸ كومپانييالار مۇنداي جەتكٸزۋشٸلەردەن الىنعان تاۋارلار, جۇمىستار مەن قىزمەتتەر بويىنشا سالىقتىق شەگەرٸم جاساۋ قۇقىعىنان ايىرىلادى.
«بۇل بيزنەس ٷشٸن ايىپپۇلسىز جەنە تەكسەرۋسٸز-اق تٸكەلەي قارجىلىق شىعىنعا ەكەلەدٸ. مىسالى, جالپىعا بٸردەي رەجيمدەگٸ جشس جەڭٸلدەتٸلگەن رەجيمدەگٸ جەتكٸزۋشٸدەن 10 ملن تەڭگەگە قىزمەت ساتىپ السا, كورپوراتيۆتٸك تابىس سالىعى بويىنشا قوسىمشا جٷكتەمە 20% مٶلشەرلەمەمەن شامامەن 2 ملن تەڭگەنٸ قۇراۋى مٷمكٸن», – دەپ قوستى سالىق كەڭەسشٸسٸ.
ساراپشى شەتەلدٸك كونتراگەنتتەرمەن جۇمىس ٸستەۋ كەزٸندەگٸ جيٸ كەزدەسەتٸن قاتەلٸكتەرگە دە نازار اۋداردى.
كٶپتەگەن كومپانييا ماركەتينگكە, جازىلىمدارعا جەنە بەيرەزيدەنتتەردٸڭ قىزمەتتەرٸنە تٶلەم جاساۋعا فورمالدى قارايدى. الايدا مۇنداي جاعدايدا سالىقتىق سالداردى كەلٸسٸمشارت جاسالعان كەزەڭدە-اق باعالاۋ قاجەت.
«سالىق جٷيەسٸ ەلدەقايدا تسيفرلانىپ, كەز كەلگەن سەيكەسسٸزدٸككە ٶتە سەزٸمتال بولدى. كەسٸپكەرلەر ٷشٸن سالىق رەجيمٸن, ەسەپ ايىرىسۋ قۇرىلىمىن جەنە كونتراگەنتتەرمەن جۇمىستى تۇراقتى تٷردە قايتا قاراپ وتىرۋ ماڭىزدى. كٶپ جاعدايدا تەۋەكەلدەردٸ الدىن الا تەكسەرۋ كەيٸن قوسىمشا سالىق ەسەپتەۋلەرٸمەن, شوت بۇعاتتاۋمەن جەنە ايىپپۇلدارمەن بەتپە-بەت كەلگەننەن ەلدەقايدا ارزانعا تٷسەدٸ», – دەپ قورىتىندىلادى ساراپشى.
