Qazaqstannyń syrtqy qaryzy keiingi úsh jylda 12 paiyzǵa ósip, 18,9 mlrd dollarǵa artqan, dep habarlaidy dalanews.kz.
Aldyn ala málimetke súiensek, 1 sáýirdegi jaǵdai boiynsha eldiń syrtqy qaryzy 181,7 mlrd dollar bolǵan.
Onyń ishinde memlekettik basqarý organdarynyń úlesi 2023 jylǵy 7,9 paiyzdan 9,1 paiyzǵa deiin ósken. Qazir bul kórsetkish - 16,5 mlrd dollar.
Bank sektorynyń syrtqy qaryzy da aitarlyqtai artqan. Úsh jyl ishinde olardyń úlesi 6,5 paiyzdan 10,3 paiyzǵa deiin kóterilip, qaryz kólemi 10,6 mlrd dollardan 18,7 mlrd dollarǵa jetken.
Basqa sektorlardyń qaryzy 26,6 paiyzdan 31,3 paiyzǵa deiin ósip, 56,8 mlrd dollar bolǵan.
Al firmaaralyq bereshektiń úlesi kerisinshe tómendegen. 2023 jyly ol 93,8 mlrd dollar bolsa, biyl 87,1 mlrd dollarǵa deiin azaiǵan.
