Qarjy vitse-ministri Erjan Birjanov keibir qazaqstandyq blogerlerge qatysty salyq tekseristeri áli de júrip jatqanyn málimdedi, dep habarlaidy Dalanews.kz.
Onyń aitýynsha, tekseris bastalǵaly salyq organdary 854 blogerge tabysyn tómen kórsetkeni úshin jalpy somasy 72 mlrd teńgege 1 586 habarlama joldaǵan.
"Qazir 622 bloger qosymsha salyq deklaratsiiasyn tapsyrdy. Olar tabysyn 18,3 mlrd teńgege arttyryp, 1 mlrd teńgege deiin qosymsha salyq tóledi. Sondai-aq, taǵy shamamen 600 mln teńge tóleýge mindetteldi", - dedi Erjan Birjanov Úkimettegi brifingte.
Ol qazir 7 blogerge qatysty tekseris júrip jatqanyn aitty. Olarǵa qosymsha eseptelgen salyq kólemi 10 mln teńgeden asady.
"Qazir tekseris júrgizilip jatyr. Bul soma erikti túrde tólenbese jáne kólemi iri bolsa, materialdar quqyq qorǵaý organdaryna beriledi nemese tiisti protsessýaldyq sheshimder qabyldanady", - dedi vitse-ministr.
Salyq qupiiasyna bailanysty blogerlerdiń esimderi jariialanbaǵan.
