ونىڭ ايتۋىنشا، تەكسەرىس باستالعالى سالىق ورگاندارى 854 بلوگەرگە تابىسىن تومەن كورسەتكەنى ءۇشىن جالپى سوماسى 72 ملرد تەڭگەگە 1 586 حابارلاما جولداعان.

"ءقازىر 622 بلوگەر قوسىمشا سالىق دەكلاراسياسىن تاپسىردى. ولار تابىسىن 18،3 ملرد تەڭگەگە ارتتىرىپ، 1 ملرد تەڭگەگە دەيىن قوسىمشا سالىق تولەدى. سونداي-اق، تاعى شامامەن 600 ملن تەڭگە تولەۋگە مىندەتتەلدى"، - دەدى ەرجان ءبىرجانوۆ ۇكىمەتتەگى بريفينگتە.

ول ءقازىر 7 بلوگەرگە قاتىستى تەكسەرىس ءجۇرىپ جاتقانىن ايتتى. ولارعا قوسىمشا ەسەپتەلگەن سالىق كولەمى 10 ملن تەڭگەدەن اسادى.

"ءقازىر تەكسەرىس جۇرگىزىلىپ جاتىر. بۇل سوما ەرىكتى تۇردە تولەنبەسە جانە كولەمى ءىرى بولسا، ماتەريالدار قۇقىق قورعاۋ ورگاندارىنا بەرىلەدى نەمەسە ءتيىستى پروسەسسۋالدىق شەشىمدەر قابىلدانادى"، - دەدى ۆيسە-مينيستر.

سالىق قۇپياسىنا بايلانىستى بلوگەرلەردىڭ ەسىمدەرى جاريالانباعان.