Qazaqstanda júrgizýshisiz kólikti zańdy túrde paidalanýǵa daiyndyq jumystary júrgizilip jatyr. Bul týraly Senat kýlýarynda Tsifrlyq damý, innovatsiialar jáne aeroǵarysh ónerkásibi vitse-ministri Dmitrii Mýn málimdedi, dep habarlaidy Dalanews.kz
Onyń aitýynsha, qazirgi tańda elde pilottyq synaqtar ótkizilýde. Olar júrgizýshisiz avtomobilderdiń qysqy jaǵdaida, tómen temperatýrada jáne jolaq belgilenbegen joldarda qalai jumys isteitinin baǵalaýǵa baǵyttalǵan.
Vitse-ministrdiń sózinshe, Astana, Almaty jáne birqatar basqa qalalarda júzege asyrylyp jatqan Smart City jobasy aiasynda jol infraqurylymynyń belgili bir bóligi daiyn. Atap aitqanda, keibir baǵdarshamdar qozǵalys derekterin aldyn ala berýge múmkindik beretin arnaiy chiptermen jabdyqtalǵan.
Sonymen qatar júrgizýshisiz kóliktiń tolyqqandy jumys isteýi úshin joǵary sapaly HD-kartalar qajet. Qazirgi tańda Astananyń sol jaǵalaýy osyndai kartaǵa tolyq engizilgen. Budan bólek, turaqty internet bailanysy da mańyzdy faktor sanalady. Qalalarda bailanysy álsiz aimaqtar anyqtalyp, pilottyq marshrýttar infraqurylym tolyq daiyn kósheler boiynsha belgilenedi.
Dmitrii Mýn júrgizýshisiz kólikterdi zańdy túrde paidalanýǵa múmkindik berý úshin zańnamaǵa ózgerister engizý qajet ekenin atap ótti. Bul baǵytta Ádilet, Kólik ministrlikteri men Ishki ister ministrliginiń qatysýymen arnaiy jumys toby qurylyp, tiisti túzetýler pysyqtalýda.
Vitse-ministrdiń aitýynsha, alǵashqy synaqtar avtokólik júrgizýdi úiretetin avtoTsON aýmaǵynda ótken. Al 2026 jyly Astananyń basqa bir bóliginde júrgizýshisiz taksidi pilottyq rejimde iske qosý josparlanyp otyr.
