قازاقستاندا جٷرگٸزۋشٸسٸز كٶلٸكتٸ زاڭدى تٷردە پايدالانۋعا دايىندىق جۇمىستارى جٷرگٸزٸلٸپ جاتىر. بۇل تۋرالى سەنات كۋلۋارىندا تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ ۆيتسە-مينيسترٸ دميتريي مۋن مەلٸمدەدٸ, دەپ حابارلايدى Dalanews.kz
ونىڭ ايتۋىنشا, قازٸرگٸ تاڭدا ەلدە پيلوتتىق سىناقتار ٶتكٸزٸلۋدە. ولار جٷرگٸزۋشٸسٸز اۆتوموبيلدەردٸڭ قىسقى جاعدايدا, تٶمەن تەمپەراتۋرادا جەنە جولاق بەلگٸلەنبەگەن جولداردا قالاي جۇمىس ٸستەيتٸنٸن باعالاۋعا باعىتتالعان.
ۆيتسە-مينيستردٸڭ سٶزٸنشە, استانا, الماتى جەنە بٸرقاتار باسقا قالالاردا جٷزەگە اسىرىلىپ جاتقان Smart City جوباسى اياسىندا جول ينفراقۇرىلىمىنىڭ بەلگٸلٸ بٸر بٶلٸگٸ دايىن. اتاپ ايتقاندا, كەيبٸر باعدارشامدار قوزعالىس دەرەكتەرٸن الدىن الا بەرۋگە مٷمكٸندٸك بەرەتٸن ارنايى چيپتەرمەن جابدىقتالعان.
سونىمەن قاتار جٷرگٸزۋشٸسٸز كٶلٸكتٸڭ تولىققاندى جۇمىس ٸستەۋٸ ٷشٸن جوعارى ساپالى HD-كارتالار قاجەت. قازٸرگٸ تاڭدا استانانىڭ سول جاعالاۋى وسىنداي كارتاعا تولىق ەنگٸزٸلگەن. بۇدان بٶلەك, تۇراقتى ينتەرنەت بايلانىسى دا ماڭىزدى فاكتور سانالادى. قالالاردا بايلانىسى ەلسٸز ايماقتار انىقتالىپ, پيلوتتىق مارشرۋتتار ينفراقۇرىلىم تولىق دايىن كٶشەلەر بويىنشا بەلگٸلەنەدٸ.
دميتريي مۋن جٷرگٸزۋشٸسٸز كٶلٸكتەردٸ زاڭدى تٷردە پايدالانۋعا مٷمكٸندٸك بەرۋ ٷشٸن زاڭناماعا ٶزگەرٸستەر ەنگٸزۋ قاجەت ەكەنٸن اتاپ ٶتتٸ. بۇل باعىتتا ەدٸلەت, كٶلٸك مينيسترلٸكتەرٸ مەن ٸشكٸ ٸستەر مينيسترلٸگٸنٸڭ قاتىسۋىمەن ارنايى جۇمىس توبى قۇرىلىپ, تيٸستٸ تٷزەتۋلەر پىسىقتالۋدا.
ۆيتسە-مينيستردٸڭ ايتۋىنشا, العاشقى سىناقتار اۆتوكٶلٸك جٷرگٸزۋدٸ ٷيرەتەتٸن اۆتوتسون اۋماعىندا ٶتكەن. ال 2026 جىلى استانانىڭ باسقا بٸر بٶلٸگٸندە جٷرگٸزۋشٸسٸز تاكسيدٸ پيلوتتىق رەجيمدە ٸسكە قوسۋ جوسپارلانىپ وتىر.
