ۋكراينا تاراپىنان رەسەيدەگٸ ٸرٸ مۇناي ٶڭدەۋ كەسٸپورىندارىنىڭ بٸرٸ – ومبى مۇناي ٶڭدەۋ زاۋىتىنا جاسالعان شابۋىل قازاقستاننىڭ جانار-جاعارماي نارىعىنا ەسەر ەتە مە دەگەن ساۋال قوعامدا قىزۋ تالقىلانىپ جاتىر, دەپ حابارلايدى dalanews.kz.
ەلەۋمەتتٸك جەلٸلەردە رەسەيدە جانارماي تاپشىلىعى كٷشەيسە, قازاقستاندا ٶندٸرٸلگەن بەنزينگە سۇرانىس ارتىپ, ٸشكٸ نارىقتا تاپشىلىق تۋىنداۋى مٷمكٸن دەگەن پٸكٸرلەر ايتىلۋدا.
الايدا ەنەرگەتيكا ۆيتسە-مينيسترٸ قايىرحان تۇتقىشباەۆتىڭ ايتۋىنشا, كٶرشٸ ەلدەگٸ جاعداي قازاقستاننىڭ ٸشكٸ نارىعىنا كەرٸ ەسەر ەتپەيدٸ.
ونىڭ سٶزٸنشە, ەلٸمٸزدە مۇناي ٶڭدەۋ قۋاتىن كەزەڭ-كەزەڭٸمەن ۇلعايتۋ جۇمىستارى جٷرگٸزٸلٸپ جاتىر. ٷش مۇناي ٶڭدەۋ زاۋىتىن جاڭعىرتۋ جەنە ولاردىڭ ٶندٸرٸستٸك قۋاتىن ارتتىرۋ ارقىلى 2032 جىلعا قاراي ٸشكٸ نارىقتاعى جانارماي تاپشىلىعىن تولىق جويۋ جوسپارلانعان. سونىمەن قاتار جىلدىق قۋاتى 10 ملن توننا بولاتىن تٶرتٸنشٸ مۇناي ٶڭدەۋ زاۋىتىن سالۋ مەسەلەسٸ دە قاراستىرىلىپ جاتىر.
ۆيتسە-مينيستردٸڭ مەلٸمەتٸنشە, جٷزەگە اسىرىلىپ جاتقان جوبالار نەتيجەسٸندە اۆتوكٶلٸك بەنزينٸن ٶندٸرۋ كٶلەمٸ جىلىنا 5,6 ملن توننادان 9 ملن تونناعا, ديزەل وتىنى 6,2 ملن توننادان 9,5 ملن تونناعا, ال اۆياوتىن ٶندٸرٸسٸ 0,7 ملن توننادان 1,7 ملن تونناعا دەيٸن ۇلعايادى. 2033 جىلعا قاراي قازاقستاننىڭ جالپى مۇناي ٶڭدەۋ قۋاتى جىلىنا 40 ملن تونناعا جەتەدٸ.
ەنەرگەتيكا مينيسترلٸگٸ كەڭەيتۋ جوبالارى اياقتالعاننان كەيٸن قازاقستان ٸشكٸ سۇرانىستى تولىق قامتاماسىز ەتٸپ قانا قويماي, بەنزين مەن ديزەل وتىنىن ەكسپورتتاۋ مٷمكٸندٸگٸنە دە يە بولاتىنىن اتاپ ٶتتٸ.
