قازاقستاندا جۇمىس ٸستەۋ ٷشٸن شەتەلگە شىعاتىن ازاماتتاردى ەسەپكە الۋ جەنە ولاردىڭ ەڭبەك قىزمەتٸن باقىلاۋ تەتٸگٸ ەنگٸزٸلەدٸ. بۇل شارا ٷكٸمەتتٸڭ 2027–2029 جىلدارعا ارنالعان ادام ساۋداسىنا قارسى كٷرەس جٶنٸندەگٸ جوسپارىندا قامتىلعان, دەپ حابارلايدى dalanews.kz.
تيٸستٸ قاۋلىعا پرەمەر-مينيستر ولجاس بەكتەنوۆ 2026 جىلعى 28 قازاندا قول قويدى. قۇجات كٷشٸنە ەندٸ.
شەتەلگە جۇمىسقا كەتەتٸندەر قالاي تٸركەلەدٸ?
جوسپارعا سەيكەس, 2027 جىلدىڭ ەكٸنشٸ توقسانىندا شەتەلدە جۇمىس ٸستەۋگە نيەتتٸ قازاقستاندىقتاردى حابارلاما ارقىلى ەسەپكە الۋ جٷيەسٸن ٸسكە قوسۋ كٶزدەلٸپ وتىر. بۇل فۋنكتسييانى migration.enbek.kz پورتالىندا تەحنيكالىق تۇرعىدا ەنگٸزۋ جوسپارلانعان. ياعني ازاماتتار شەتەلگە جۇمىسقا ورنالاسۋ ماقساتىندا شىققانى تۋرالى حابارلاما بەرٸپ, ارنايى ەسەپكە تٸركەلە الادى.
بۇدان بٶلەك, قازاقستاندىقتاردى شەتەلدە جۇمىسقا ورنالاستىرۋمەن اينالىساتىن جەكە اگەنتتٸكتەردٸڭ تٸزٸلٸمٸ جاسالادى. ونى قالىپتاستىرۋ جەنە جٷرگٸزۋ تەرتٸبٸن مەملەكەتتٸك ورگاندار ايقىنداۋى تيٸس. اگەنتتٸكتەر تۋرالى مەلٸمەت تە migration.enbek.kz پورتالىندا جارييالانادى. ٷكٸمەت بۇل شارالار ارقىلى ازاماتتاردىڭ ەڭبەك قۇقىعىن قورعاپ, ەڭبەك قاناۋى مەن ادام ساۋداسىنىڭ الدىن الۋدى كٶزدەپ وتىر.
ادام ساۋداسىنا قارسى قانداي شارالار قابىلدانادى?
جوسپاردا جەكە جۇمىسپەن قامتۋ اگەنتتٸكتەرٸ مەن جۇمىسقا ورنالاستىرۋعا كٶمەكتەسەتٸن دەلدالداردىڭ قىزمەتٸن باقىلاۋ دا قاراستىرىلعان. قاجەت بولعان جاعدايدا ولارعا كەسٸپكەرلٸك كودەكسٸنە سەيكەس تەكسەرۋ جٷرگٸزٸلەدٸ. سونىمەن قاتار 2027 جىلدىڭ بٸرٸنشٸ توقسانىندا ەڭبەك جەنە سىرتقى ٸستەر مينيسترلٸكتەرٸ شەتەلگە جۇمىس ٸستەۋگە كەتكەن قازاقستاندىقتاردى كونسۋلدىق ەسەپكە الۋ جٷيەسٸن تالداپ, ونى جەتٸلدٸرۋ جٶنٸندە ۇسىنىستار ەزٸرلەۋٸ كەرەك.
ادام ساۋداسىنىڭ ينتەرنەت ارقىلى جاسالۋىنا دا ەرەكشە نازار اۋدارىلادى. مەملەكەتتٸك ورگاندار وسىنداي قىلمىستارعا جول اشۋى مٷمكٸن جارنامالار مەن اقپاراتتىق ماتەريالداردى باقىلاۋعا الادى. تەكسەرۋ نەتيجەسٸندە زاڭ بۇزۋشىلىق انىقتالسا, مۇنداي اقپاراتقا قولجەتٸمدٸلٸك «كيبەرباقىلاۋ» جٷيەسٸ ارقىلى نەمەسە سوت شەشٸمٸمەن شەكتەلۋٸ مٷمكٸن.
بۇعان قوسا, مەجبٷرلٸ ەڭبەك پەن بالالار ەڭبەگٸنٸڭ الدىن الۋ, جاڭا تۋعان نەرەستەلەردٸ ساتۋ دەرەكتەرٸن انىقتاۋ, سەكسۋالدىق قاناۋ جەنە قايىرشىلىققا مەجبٷرلەۋ جاعدايلارىنا قارسى كٷرەس شارالارى جٷرگٸزٸلەدٸ. ادام ساۋداسىنان زارداپ شەككەن ازاماتتارعا دا كٶمەك كٶرسەتٸلەدٸ. اتاپ ايتقاندا, ولارعا داعدارىس ورتالىقتارى ارقىلى ارناۋلى ەلەۋمەتتٸك قىزمەتتەر ۇسىنىلادى.
ٷكٸمەت بەكٸتكەن 2027–2029 جىلدارعا ارنالعان جوسپار بارلىعى 32 ٸس-شارانى قامتيدى.
