2025 jyldyń qorytyndysy boiynsha Qazaqstannyń Ulttyq qoryna salyqtar men mindetti tólemder túrinde 3,746 trln teńge tústi. Ortasha jyldyq valiýta baǵamymen bul shamamen 7,18 mlrd dollardy quraidy, dep habarlaidy Dalanews.kz.
"Chernyi lebed, rak i rýsha" telegram arnasynyń málimetinshe, túsimderdiń edáýir bóligi munai sektoryndaǵy zańdy tulǵalardyń korporativtik tabys salyǵyna tiesili bolǵan. Bul bap jalpy kiristiń 34,9 paiyzyn nemese 1,300 trln teńgesin quraidy.
Ulttyq qorǵa túsken negizgi túsimder qurylymy tómendegidei qalyptasty:
– Ónimdi bólý jónindegi kelisimder boiynsha Qazaqstannyń úlesi – 1,045 trln teńge (28,1%);
– Paidaly qazbalardy óndirý salyǵy – 899,22 mlrd teńge (24,1%);
– Eksportqa salynatyn rentalyq salyq – 356,85 mlrd teńge (9,6%);
– Ónimdi bólý kelisimderi boiynsha qosymsha tólemder – 87,58 mlrd teńge (2,4%);
– Artyq paida salyǵy – 34,6 mlrd teńge (0,9%);
– Uiymdar tólegen bonýstar – 1,24 mlrd teńge.
Sonymen qatar "Ulttyq qor – balalarǵa" baǵdarlamasy aiasynda 2025 jyldyń qorytyndysy boiynsha ár bala shotyna 130,71 dollardan esepteldi. Jyl sońynda baǵdarlamaǵa 6 918 656 bala qatysqan.
