2025 جىلدىڭ قورىتىندىسى بويىنشا قازاقستاننىڭ ۇلتتىق قورىنا سالىقتار مەن مٸندەتتٸ تٶلەمدەر تٷرٸندە 3,746 ترلن تەڭگە تٷستٸ. ورتاشا جىلدىق ۆاليۋتا باعامىمەن بۇل شامامەن 7,18 ملرد دوللاردى قۇرايدى, دەپ حابارلايدى Dalanews.kz.
"چەرنىي لەبەد, راك ي رۋششا" تەلەگرام ارناسىنىڭ مەلٸمەتٸنشە, تٷسٸمدەردٸڭ ەدەۋٸر بٶلٸگٸ مۇناي سەكتورىنداعى زاڭدى تۇلعالاردىڭ كورپوراتيۆتٸك تابىس سالىعىنا تيەسٸلٸ بولعان. بۇل باپ جالپى كٸرٸستٸڭ 34,9 پايىزىن نەمەسە 1,300 ترلن تەڭگەسٸن قۇرايدى.
ۇلتتىق قورعا تٷسكەن نەگٸزگٸ تٷسٸمدەر قۇرىلىمى تٶمەندەگٸدەي قالىپتاستى:
– ٶنٸمدٸ بٶلۋ جٶنٸندەگٸ كەلٸسٸمدەر بويىنشا قازاقستاننىڭ ٷلەسٸ – 1,045 ترلن تەڭگە (28,1%);
– پايدالى قازبالاردى ٶندٸرۋ سالىعى – 899,22 ملرد تەڭگە (24,1%);
– ەكسپورتقا سالىناتىن رەنتالىق سالىق – 356,85 ملرد تەڭگە (9,6%);
– ٶنٸمدٸ بٶلۋ كەلٸسٸمدەرٸ بويىنشا قوسىمشا تٶلەمدەر – 87,58 ملرد تەڭگە (2,4%);
– ارتىق پايدا سالىعى – 34,6 ملرد تەڭگە (0,9%);
– ۇيىمدار تٶلەگەن بونۋستار – 1,24 ملرد تەڭگە.
سونىمەن قاتار "ۇلتتىق قور – بالالارعا" باعدارلاماسى اياسىندا 2025 جىلدىڭ قورىتىندىسى بويىنشا ەر بالا شوتىنا 130,71 دوللاردان ەسەپتەلدٸ. جىل سوڭىندا باعدارلاماعا 6 918 656 بالا قاتىسقان.
