2025 jylǵy 1 shildedegi jaǵdai boiynsha Qostanai oblysynda 29 407 múgedektigi bar adam (budan ári – MBA) turady, olardyń ishinde 3 828-i – balalar. Aǵymdaǵy jyly MBA áleýmettik qoldaýǵa 17 mlrd teńge bólindi, onyń ishinde 4,9 mlrd teńge tehnikalyq ońaltý quraldarymen jáne ońaltý qyzmetterimen qamtamasyz etýge, 12,1 mlrd teńge – arnaýly áleýmettik qyzmetter kórsetýge baǵyttaldy,- dep habarlaidy Dalanews.kz
Múgedektigi bar adamdardy qoǵamǵa beiimdeýdiń mańyzdy tetikteriniń biri – olardyń ońaltylýy bolyp tabylady.
Búginde barlyq qyzmet túrlerin memlekettik organdardyń qatysýynsyz onlain formatta alýǵa múmkindik beretin Áleýmettik qyzmetter portaly tolyqqandy jumys istep tur.
2025 jylǵy 1 shildege deiin 15 628 qajetti kómek túriniń 10 867-si kórsetildi, jeke ońaltý baǵdarlamalarynyń oryndalýy 70%-dy qurady.
Múgedektigi bar azamattardy jumyspen qamtý máselesi de ózekti bolyp qala beredi.
MBA jumyspen qamtylýyn qamtamasyz etý maqsatynda jergilikti atqarýshy organdar jyl saiyn jumys oryndaryna arnalǵan kvota belgileidi.
Búgingi tańda jumyspen qamtý sharalarymen 548 múgedektigi bar adam qamtyldy.
Jergilikti atqarýshy organdardyń mańyzdy mindetteriniń biri – áleýmettik jáne kólik infraqurylymy nysandaryn halyqtyń júrip-turýy shekteýli toptary úshin beiimdeý bolyp tabylady.
Aǵymdaǵy jyly 282 nysandy beiimdeý josparlanǵan.
Interaktivtik kartaǵa engizilgen 1 906 nysannyń 1 126-sy nemese 59,2%-y (2025 jylǵa jospar – 60%) MBA barlyq sanaty úshin tolyq qoljetimdi, bul baǵyttaǵy jumys jalǵasýda jáne turaqty baqylaýda tur.
Oblystyń jeti óńirinde invataksi qyzmeti jumysyn jalǵastyrýda, bul maqsatqa jergilikti biýdjetten 222,8 mln teńge bólindi.
2025 jylǵy 1 shildedegi jaǵdai boiynsha 516 adam, onyń ishinde 166 bala invataksi qyzmetin paidalanǵan, barlyǵy 18 570 ótinim oryndaldy.
MBA ońaltýdyń bir baǵyty – arnaýly áleýmettik qyzmetter kórsetý.
Jyl basynan beri 9 myńnan astam adam arnaýly áleýmettik qyzmettermen qamtyldy.
Múgedektigi bar azamattardyń jaily ómir súrýi, belsendilik tanytýy, ózin-ózi júzege asyrýy men jan-jaqty damýyna jaǵdai jasaý jumystary jalǵasýda jáne jergilikti atqarýshy organdardyń turaqty baqylaýynda tur.
