2025 جىلعى 1 شىلدەدەگى جاعداي بويىنشا قوستاناي وبلىسىندا 29 407 مۇگەدەكتىگى بار ادام (بۇدان ءارى – مبا) تۇرادى، ولاردىڭ ىشىندە 3 828ء-ى – بالالار. اعىمداعى جىلى مبا الەۋمەتتىك قولداۋعا 17 ملرد تەڭگە ءبولىندى، ونىڭ ىشىندە 4،9 ملرد تەڭگە تەحنيكالىق وڭالتۋ قۇرالدارىمەن جانە وڭالتۋ قىزمەتتەرىمەن قامتاماسىز ەتۋگە، 12،1 ملرد تەڭگە – ارناۋلى الەۋمەتتىك قىزمەتتەر كورسەتۋگە باعىتتالدى،- دەپ حابارلايدى Dalanews.kz
مۇگەدەكتىگى بار ادامداردى قوعامعا بەيىمدەۋدىڭ ماڭىزدى تەتىكتەرىنىڭ ءبىرى – ولاردىڭ وڭالتىلۋى بولىپ تابىلادى.
بۇگىندە بارلىق قىزمەت تۇرلەرىن مەملەكەتتىك ورگانداردىڭ قاتىسۋىنسىز ونلاين فورماتتا الۋعا مۇمكىندىك بەرەتىن الەۋمەتتىك قىزمەتتەر پورتالى تولىققاندى جۇمىس ىستەپ تۇر.
2025 جىلعى 1 شىلدەگە دەيىن 15 628 قاجەتتى كومەك ءتۇرىنىڭ 10 867ء-سى كورسەتىلدى، جەكە وڭالتۋ باعدارلامالارىنىڭ ورىندالۋى 70%-دى قۇرادى.
مۇگەدەكتىگى بار ازاماتتاردى جۇمىسپەن قامتۋ ماسەلەسى دە وزەكتى بولىپ قالا بەرەدى.
مبا جۇمىسپەن قامتىلۋىن قامتاماسىز ەتۋ ماقساتىندا جەرگىلىكتى اتقارۋشى ورگاندار جىل سايىن جۇمىس ورىندارىنا ارنالعان كۆوتا بەلگىلەيدى.
بۇگىنگى تاڭدا جۇمىسپەن قامتۋ شارالارىمەن 548 مۇگەدەكتىگى بار ادام قامتىلدى.
جەرگىلىكتى اتقارۋشى ورگانداردىڭ ماڭىزدى مىندەتتەرىنىڭ ءبىرى – الەۋمەتتىك جانە كولىك ينفراقۇرىلىمى نىساندارىن حالىقتىڭ ءجۇرىپ-تۇرۋى شەكتەۋلى توپتارى ءۇشىن بەيىمدەۋ بولىپ تابىلادى.
اعىمداعى جىلى 282 نىساندى بەيىمدەۋ جوسپارلانعان.
ينتەراكتيۆتىك كارتاعا ەنگىزىلگەن 1 906 نىساننىڭ 1 126-سى نەمەسە 59،2%-ى (2025 جىلعا جوسپار – 60%) مبا بارلىق ساناتى ءۇشىن تولىق قولجەتىمدى، بۇل باعىتتاعى جۇمىس جالعاسۋدا جانە تۇراقتى باقىلاۋدا تۇر.
وبلىستىڭ جەتى وڭىرىندە ينۆاتاكسي قىزمەتى جۇمىسىن جالعاستىرۋدا، بۇل ماقساتقا جەرگىلىكتى بيۋدجەتتەن 222،8 ملن تەڭگە ءبولىندى.
2025 جىلعى 1 شىلدەدەگى جاعداي بويىنشا 516 ادام، ونىڭ ىشىندە 166 بالا ينۆاتاكسي قىزمەتىن پايدالانعان، بارلىعى 18 570 ءوتىنىم ورىندالدى.
مبا وڭالتۋدىڭ ءبىر باعىتى – ارناۋلى الەۋمەتتىك قىزمەتتەر كورسەتۋ.
جىل باسىنان بەرى 9 مىڭنان استام ادام ارناۋلى الەۋمەتتىك قىزمەتتەرمەن قامتىلدى.
مۇگەدەكتىگى بار ازاماتتاردىڭ جايلى ءومىر ءسۇرۋى، بەلسەندىلىك تانىتۋى، ءوزىن-وزى جۇزەگە اسىرۋى مەن جان-جاقتى دامۋىنا جاعداي جاساۋ جۇمىستارى جالعاسۋدا جانە جەرگىلىكتى اتقارۋشى ورگانداردىڭ تۇراقتى باقىلاۋىندا تۇر.
