«Túrkistan oblysynyń 2021-2025 jyldarǵa arnalǵan áleýmettik-ekonomıkalyq damýdyń keshendi josparyna» sáıkes, 2023 jyldyń qorytyndysymen  qalalardy 100 paıyz, al 2025 jyly aýyldyq eldi mekenderdi 100 paıyz aýyz sýmen qamtamasyz etý josparlanýda. Bul týraly Túrkistan oblysynyń ákimi Ómirzaq Shókeev Túrkistan qalasynda ótken Prezıdent janyndaǵy Ortalyq komýnıkasıalar qyzmetiniń baspasóz jıynynda málimdedi, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Aýyz sýmen qamtý maqsatynda Túrkistan oblysynda 60 nysannyń qurylysyna búdjetten 12,7 mlrd. teńge  bólindi. Sonyń teń jartysyn bıyl paıdalanýǵa berý josparlanýda, qalǵany keler jylǵa ótpeli. Nátıjesinde, 20 eldi meken aýyz sýmen qamtylsa, 11 eldi mekenniń sý qubyrlary qaıta jańartylatyn bolady. Jyl qorytyndysymen oblystaǵy 843 eldi mekenniń   717-si aýyz sýmen qamtamasyz etiledi. Qamtý deńgeıi 93,3%-ǵa  jetedi.

Tabıǵı gazben qamtý boıynsha bıyl 87 nysannyń qurylysyna 13,8 mlrd.teńge bólindi. Sonyń ishinde 24 nysan paıdalanýǵa berilse, qalǵan 51 nysan keler jylǵa ótpeli. Jyl sońynda 444 eldi meken nemese  1,4 mln. halyq (66,6%) tabıǵı gazben qamtamasyz etiledi. Sapaly elektr jaryǵymen jabdyqtaý boıynsha bıyl 6,7 mlrd. teńge qaralyp, 34 nysannyń qurylysyn júrgizý josparlanýda. Bıyl 7 nysan paıdalanýǵa beriledi. 27 nysannyń qurylysy 2022 jylǵa ótpeli. Nátıjesinde 13 eldi mekendegi 13,5 myń turǵyn sapaly, turaqty elektr qýatymen qamtylady.

Sonymen qatar, Keles aýdanynda 220 kV-tyq «Qyzylásker» qosalqy stansıasynyń jáne 110 kV-tyq elektr jelisiniń qurylysyn  aıaqtap, aǵymdaǵy jyldyń jeltoqsan aıynda paıdalanýǵa beriledi. Nátıjesinde, 705 myń turǵyn, ónerkásip jáne aýyl sharýashylyq nysandary turaqty jáne sapaly elektr qýatymen qamtylady. Túrkistan oblysy boıynsha bıyl 321 nysan, ne 1200 shq. jýyq joldar men kósheler jóndeledi. Jyl qorytyndysymen jergilikti mańyzy bar avtomobıl joldarynyń jaqsy jáne qanaǵatty jaǵdaıdaǵy úlesi 79%-dan 89%-ǵa deıin arttyrý josparlanýda.