اۋىز سۋمەن قامتۋ ماقساتىندا تۇركىستان وبلىسىندا 60 نىساننىڭ قۇرىلىسىنا بيۋدجەتتەن 12،7 ملرد. تەڭگە ءبولىندى. سونىڭ تەڭ جارتىسىن بيىل پايدالانۋعا بەرۋ جوسپارلانۋدا، قالعانى كەلەر جىلعا وتپەلى. ناتيجەسىندە، 20 ەلدى مەكەن اۋىز سۋمەن قامتىلسا، 11 ەلدى مەكەننىڭ سۋ قۇبىرلارى قايتا جاڭارتىلاتىن بولادى. جىل قورىتىندىسىمەن وبلىستاعى 843 ەلدى مەكەننىڭ 717ء-سى اۋىز سۋمەن قامتاماسىز ەتىلەدى. قامتۋ دەڭگەيى 93،3%-عا جەتەدى.
تابيعي گازبەن قامتۋ بويىنشا بيىل 87 نىساننىڭ قۇرىلىسىنا 13،8 ملرد.تەڭگە ءبولىندى. سونىڭ ىشىندە 24 نىسان پايدالانۋعا بەرىلسە، قالعان 51 نىسان كەلەر جىلعا وتپەلى. جىل سوڭىندا 444 ەلدى مەكەن نەمەسە 1،4 ملن. حالىق (66،6%) تابيعي گازبەن قامتاماسىز ەتىلەدى. ساپالى ەلەكتر جارىعىمەن جابدىقتاۋ بويىنشا بيىل 6،7 ملرد. تەڭگە قارالىپ، 34 نىساننىڭ قۇرىلىسىن جۇرگىزۋ جوسپارلانۋدا. بيىل 7 نىسان پايدالانۋعا بەرىلەدى. 27 نىساننىڭ قۇرىلىسى 2022 جىلعا وتپەلى. ناتيجەسىندە 13 ەلدى مەكەندەگى 13،5 مىڭ تۇرعىن ساپالى، تۇراقتى ەلەكتر قۋاتىمەن قامتىلادى.
سونىمەن قاتار، كەلەس اۋدانىندا 220 كۆ-تىق «قىزىلاسكەر» قوسالقى ستانسياسىنىڭ جانە 110 كۆ-تىق ەلەكتر جەلىسىنىڭ قۇرىلىسىن اياقتاپ، اعىمداعى جىلدىڭ جەلتوقسان ايىندا پايدالانۋعا بەرىلەدى. ناتيجەسىندە، 705 مىڭ تۇرعىن، ونەركاسىپ جانە اۋىل شارۋاشىلىق نىساندارى تۇراقتى جانە ساپالى ەلەكتر قۋاتىمەن قامتىلادى. تۇركىستان وبلىسى بويىنشا بيىل 321 نىسان، نە 1200 شق. جۋىق جولدار مەن كوشەلەر جوندەلەدى. جىل قورىتىندىسىمەن جەرگىلىكتى ماڭىزى بار اۆتوموبيل جولدارىنىڭ جاقسى جانە قاناعاتتى جاعدايداعى ۇلەسى 79%-دان 89%-عا دەيىن ارتتىرۋ جوسپارلانۋدا.
