Qazaqstandaǵy kedeilik shegi 2025 jyldan bastap jańa tásilmen esepteledi. Bul týraly Eńbek jáne halyqty áleýmettik qorǵaý ministri Svetlana Jaqypovanyń buiryǵynda qamtylǵan, dep jazady Dalanews.kz.
"2025 jylǵy 1 qańtardan bastap kedeilik shegi memlekettik ataýly áleýmettik kómek taǵaiyndaýǵa ótinish bergen toqsannyń aldyndaǵy toqsanda eseptelgen ortasha tabystyń 35% mólsherinde, biraq kórsetilgen toqsan boiynsha eseptelgen óńirlik kúnkóris deńgeiiniń 70% –dan tómen emes mólsherde aiqyndalatyn bolady", delingen buiryqta.
Buǵan deiin ol memlekettik ataýly áleýmettik kómek taǵaiyndaýǵa ótinish bergen toqsannyń aldyndaǵy toqsanǵa eseptelgen eń tómengi kúnkóris deńgeiiniń 70% mólsherinde eseptelip kelgen bolatyn.
Buiryq 2025 jylǵy 6 qańtardan bastap qoldanysqa engiziledi.
Aita ketsek, buiryqqa sáikes, esep endi toqsan saiyn júrgiziletin bolady. Biylǵy jyldyń sońynda ortasha jalaqy (mediandy) kólemi 285 myń teńgeni qurady, iaǵni jańa standarttar boiynsha tabysy 100 myń teńgeden tómen adamdar kedei sanalady.
Buǵan deiin Dalanews.kz "Qazaqstandaǵy kedeilikti zerttegen Dúniejúzilik bank ataýly kómekten jemqorlyq quram tapqan" degen maqala jariialaǵan.
