Qarjylyq monitoring agenttigi valiýtalyq operatsiialardy júzege asyrý kezinde saqtyq sharalaryn saqtaýdyń mańyzdylyǵyna el azamattarynyń nazaryn aýdarady. Agenttiktiń málimetinshe, 2024 jyldyń basynan bastap Qazaqstan aýmaǵynda ainalymnan 2 myńǵa jýyq jalǵan banknota alynǵan, dep jazady Dalanews.kz.
Jalpy alynǵan jalǵan aqshalardyń somasy 80 million teńgeden asty.
Jalǵan banknota jasaýmen jáne satýmen ainalysqan 8 adam sottalǵan. Olar 5 jyldan 6 jylǵa deiingi merzimge bas bostandyǵynan aiyrylǵan.
"Mundai jaǵdailardy boldyrmaý úshin aqshalai operatsiialar kezinde banknotalardy tekserińiz. Aqsha qaǵazynyń sapasyna, qorǵanysh elementterine (mórtańbasy, mikroelementter, belgili bir jaryqta kórinetin belgileri) jáne tekstýra men shriftine nazar aýdaryńyz. Jalǵan aqsha jasaýshylardyń qurbany bolyp qalmaý jáne qylmystyq qýdalaýǵa túspeý úshin, bóten adamdarmen aqsha almastyryp, valiýta aiyrbastaý boiynsha qolaily kýrs usynsa da deldaldarmen mámile jasamaǵanyńyz durys", delingen QMA habarlamasynda.
Buǵan deiin QMA 2024 jyly 6,2 myń "drop kartalar" arqyly jylystatylǵan qylmystyq aqsha ainalymy 24 mlrd teńgeni quraǵanyn habarlaǵan.
