Ulttyq ekonomika ministrligi 2024 jylǵy qorytyndy boiynsha JIÓ ósimi 4,8%-dan 5%-ǵa deiin arttyrý turǵysynda qaita qaralǵanyn málimdedi. Ósimniń basty draiveri munaiǵa jatpaityn sektor boldy: óńdeý ónerkásibi 6,8%-ǵa,qurylys sektory 15,3%-ǵa,aýyl sharýashylyǵy 13,7%-ǵa artty, dep habarlaidy Dalanews.kz.
Ulttyq statistika biýrosynyń málimetinshe, 2024 jldyń qorytyndysy boiynsha taýar óndirisi 6,3%-ǵa artyp (aldyn ala derek -5,5%), qyzmet kórsetý sektory 4,6% ósimdi kórsetti. Ózekti faktordyń biri óńdeý ónerkásibindegi óndiris kóleminiń 6,8%-ǵa (buryn -5,9%) ósýi boldy. Bul - 2011 jyldan bergi eń joǵary kórsetkish.
Qurylys sektory 15,3%-ǵa (buryn - 13,1%), aýyl sharýashylyǵy 13,7%-ǵa (buryn - 13,3%) aitarlyqtai úles qosty.
Bailanysty salalar da oń serpin kórsetken. Ishki saýda kólemi 8,9%-ǵa (buryn - 8,8%), kólik pen qoimalaý qyzmeti 9,4%-ǵa (buryn - 8,5%) artty.
"Qol jetkizilgen nátije naqty sektordy qoldaý, kólik-logistikalyq infraqurylymdy damytý, investitsiialyq belsendilikti yntalandyrý men qarjy quralyna qol jetkizýdi arttyrý sharasynyń arqasynda júzege asty. Ekonomikalyq saiasatty keshendi iske asyrý ishki suranysty nyǵaitýǵa, kásipkerlik belsendiliktiń ósýine, óndiristik áleýetti arttyrýǵa yqpal etti. Osylaisha, mańyzdy salalardaǵy, ásirese, taý-ken ónerkásibiniń (12%) úlesinen asa JIÓ-niń 12,4%-yn óńdeý ónerkásibi kórsetip, osy oń serpin esebinen ekonomikanyń odan arǵy ornyqty ósimi men ártaraptandyrylýyna negiz jasaldy", dep málimdedi Ulttyq ekonomika ministrligi.
Buǵan deiin 2024 jylǵy JIÓ ósimi 5% quraǵanyn jazǵan bolatynbyz.
