ۇلتتىق ەكونوميكا مينيسترلٸگٸ 2024 جىلعى قورىتىندى بويىنشا جٸٶ ٶسٸمٸ 4,8%-دان 5%-عا دەيٸن ارتتىرۋ تۇرعىسىندا قايتا قارالعانىن مەلٸمدەدٸ. ٶسٸمنٸڭ باستى درايۆەرٸ مۇنايعا جاتپايتىن سەكتور بولدى: ٶڭدەۋ ٶنەركەسٸبٸ 6,8%-عا,قۇرىلىس سەكتورى 15,3%-عا,اۋىل شارۋاشىلىعى 13,7%-عا ارتتى, دەپ حابارلايدى Dalanews.kz.
ۇلتتىق ستاتيستيكا بيۋروسىنىڭ مەلٸمەتٸنشە, 2024 جلدىڭ قورىتىندىسى بويىنشا تاۋار ٶندٸرٸسٸ 6,3%-عا ارتىپ (الدىن الا دەرەك -5,5%), قىزمەت كٶرسەتۋ سەكتورى 4,6% ٶسٸمدٸ كٶرسەتتٸ. ٶزەكتٸ فاكتوردىڭ بٸرٸ ٶڭدەۋ ٶنەركەسٸبٸندەگٸ ٶندٸرٸس كٶلەمٸنٸڭ 6,8%-عا (بۇرىن -5,9%) ٶسۋٸ بولدى. بۇل - 2011 جىلدان بەرگٸ ەڭ جوعارى كٶرسەتكٸش.
قۇرىلىس سەكتورى 15,3%-عا (بۇرىن - 13,1%), اۋىل شارۋاشىلىعى 13,7%-عا (بۇرىن - 13,3%) ايتارلىقتاي ٷلەس قوستى.
بايلانىستى سالالار دا وڭ سەرپٸن كٶرسەتكەن. ٸشكٸ ساۋدا كٶلەمٸ 8,9%-عا (بۇرىن - 8,8%), كٶلٸك پەن قويمالاۋ قىزمەتٸ 9,4%-عا (بۇرىن - 8,5%) ارتتى.
"قول جەتكٸزٸلگەن نەتيجە ناقتى سەكتوردى قولداۋ, كٶلٸك-لوگيستيكالىق ينفراقۇرىلىمدى دامىتۋ, ينۆەستيتسييالىق بەلسەندٸلٸكتٸ ىنتالاندىرۋ مەن قارجى قۇرالىنا قول جەتكٸزۋدٸ ارتتىرۋ شاراسىنىڭ ارقاسىندا جٷزەگە استى. ەكونوميكالىق ساياساتتى كەشەندٸ ٸسكە اسىرۋ ٸشكٸ سۇرانىستى نىعايتۋعا, كەسٸپكەرلٸك بەلسەندٸلٸكتٸڭ ٶسۋٸنە, ٶندٸرٸستٸك ەلەۋەتتٸ ارتتىرۋعا ىقپال ەتتٸ. وسىلايشا, ماڭىزدى سالالارداعى, ەسٸرەسە, تاۋ-كەن ٶنەركەسٸبٸنٸڭ (12%) ٷلەسٸنەن اسا جٸٶ-نٸڭ 12,4%-ىن ٶڭدەۋ ٶنەركەسٸبٸ كٶرسەتٸپ, وسى وڭ سەرپٸن ەسەبٸنەن ەكونوميكانىڭ ودان ارعى ورنىقتى ٶسٸمٸ مەن ەرتاراپتاندىرىلۋىنا نەگٸز جاسالدى", دەپ مەلٸمدەدٸ ۇلتتىق ەكونوميكا مينيسترلٸگٸ.
بۇعان دەيٸن 2024 جىلعى جٸٶ ٶسٸمٸ 5% قۇراعانىن جازعان بولاتىنبىز.
