2024 jyldyń basynan beri 19 áleýmettik mańyzdy azyq-túliktiń jeteýi arzandady. Baǵa indeksi, negizinen tórt óńirde tómendedi, dep jazady Dalanews.kz.
Saýda ministrliginiń málimetinshe, jyl basynan beri áleýmettik mańyzy bar azyq-túlik taýarlarynyń ortasha baǵa indeksi 1,3%-dy qurap, sońǵy 10 jyldaǵy eń tómengi kórsetkishke jetti.
Ortasha baǵa indeksi tómendegen áleýmettik mańyzy bar azyq-túlik taýarlary mynalar:
- qaraqumyq jarmasy (-35,0%),
- sábiz (-9,2%),
- kúrish (-8,2%),
- un (-6,6%),
- qant (-3,3%),
- qyryqqabat (-0,8%),
- kúnbaǵys maiy (-0,4%).
Baǵa indeksi tórt óńirde tómendedi:
- Túrkistan oblysy (-2,8%),
- Ulytaý oblysy (-2,8%),
- Astana qalasy (-1,5%),
- Qyzylorda oblysy (-0,6%).
Baǵaǵa memlekettik baqylaý júrgizý quzyreti ministrlikke berilgennen beri ákimshilik sharalardyń qoldanylýy byltyrǵy jylmen salystyrǵanda bes esege artqan.
"Óńirlik komissiialardyń 1,4 myńnan astam otyrysy ótip, 1 441 zańbuzýshylyq anyqtaldy. 9,2 myń taýar jetkizý tizbegi taldanyp, 3,7 myńnan astam zań buzý táýekeli anyqtaldy. 2025 jyldyń 1 qańtarynan bastap saýda ústemesin asyrǵany úshin ákimshilik jaýapkershilikti kúsheitý jumystary josparlanýda. Bul qatańdatýda eskertý ornyna saýda sýbektisiniń kategoriiasyna bailanysty 5-ten 150 AEK-ke deiin ákimshilik aiyppul salý qarastyrylǵan, ol", delingen habarlamada.
Sonymen qatar, óńirlerde turaqtandyrý qorlaryndaǵy kókónisterdi satý jalǵasyp jatyr.
Aýyl sharýashylyǵy ministrliginiń málimetinshe, kólemi 159,6 myń tonna kólemde qalyptasqan turaqtandyrý qoryndaǵy 19,5 myń tonna kókónis satylǵan, qorda 140 myń tonnany kókónis bar. Onyń ishinde 10,8 myń tonna kartop, 2,9 myń tonna sábiz, 3,2 myń tonna piiaz jáne 2,5 myń tonna qyryqqabat satyldy.
Buǵan deiin 2025 jyldan bastap elimizde kedeishilik shegi jańa tásilmen esepteletinin jazǵanbyz. Oǵan sáikes, 100 myń teńgeden kem jalaqy alatyndar kedeiler sanatyna jatqyzylady.
