2024 جىلدىڭ باسىنان بەرى 19 الەۋمەتتىك ماڭىزدى ازىق-تۇلىكتىڭ جەتەۋى ارزاندادى. باعا يندەكسى، نەگىزىنەن ءتورت وڭىردە تومەندەدى، دەپ جازادى Dalanews.kz.
ساۋدا مينيسترلىگىنىڭ مالىمەتىنشە، جىل باسىنان بەرى الەۋمەتتىك ماڭىزى بار ازىق-تۇلىك تاۋارلارىنىڭ ورتاشا باعا يندەكسى 1،3%-دى قۇراپ، سوڭعى 10 جىلداعى ەڭ تومەنگى كورسەتكىشكە جەتتى.
ورتاشا باعا يندەكسى تومەندەگەن الەۋمەتتىك ماڭىزى بار ازىق-تۇلىك تاۋارلارى مىنالار:
- قاراقۇمىق جارماسى (-35،0%)،
- ءسابىز (-9،2%)،
- كۇرىش (-8،2%)،
- ۇن (-6،6%)،
- قانت (-3،3%)،
- قىرىققابات (-0،8%)،
- كۇنباعىس مايى (-0،4%).
باعا يندەكسى ءتورت وڭىردە تومەندەدى:
- تۇركىستان وبلىسى (-2،8%)،
- ۇلىتاۋ وبلىسى (-2،8%)،
- استانا قالاسى (-1،5%)،
- قىزىلوردا وبلىسى (-0،6%).
باعاعا مەملەكەتتىك باقىلاۋ جۇرگىزۋ قۇزىرەتى مينيسترلىككە بەرىلگەننەن بەرى اكىمشىلىك شارالاردىڭ قولدانىلۋى بىلتىرعى جىلمەن سالىستىرعاندا بەس ەسەگە ارتقان.
"وڭىرلىك كوميسسيالاردىڭ 1،4 مىڭنان استام وتىرىسى ءوتىپ، 1 441 زاڭبۇزۋشىلىق انىقتالدى. 9،2 مىڭ تاۋار جەتكىزۋ تىزبەگى تالدانىپ، 3،7 مىڭنان استام زاڭ بۇزۋ تاۋەكەلى انىقتالدى. 2025 جىلدىڭ 1 قاڭتارىنان باستاپ ساۋدا ۇستەمەسىن اسىرعانى ءۇشىن اكىمشىلىك جاۋاپكەرشىلىكتى كۇشەيتۋ جۇمىستارى جوسپارلانۋدا. بۇل قاتاڭداتۋدا ەسكەرتۋ ورنىنا ساۋدا سۋبەكتىسىنىڭ كاتەگورياسىنا بايلانىستى 5-تەن 150 اەك-كە دەيىن اكىمشىلىك ايىپپۇل سالۋ قاراستىرىلعان، ول"، دەلىنگەن حابارلامادا.
سونىمەن قاتار، وڭىرلەردە تۇراقتاندىرۋ قورلارىنداعى كوكونىستەردى ساتۋ جالعاسىپ جاتىر.
اۋىل شارۋاشىلىعى مينيسترلىگىنىڭ مالىمەتىنشە، كولەمى 159،6 مىڭ توننا كولەمدە قالىپتاسقان تۇراقتاندىرۋ قورىنداعى 19،5 مىڭ توننا كوكونىس ساتىلعان، قوردا 140 مىڭ توننانى كوكونىس بار. ونىڭ ىشىندە 10،8 مىڭ توننا كارتوپ، 2،9 مىڭ توننا ءسابىز، 3،2 مىڭ توننا پياز جانە 2،5 مىڭ توننا قىرىققابات ساتىلدى.
بۇعان دەيىن 2025 جىلدان باستاپ ەلىمىزدە كەدەيشىلىك شەگى جاڭا تاسىلمەن ەسەپتەلەتىنىن جازعانبىز. وعان سايكەس، 100 مىڭ تەڭگەدەن كەم جالاقى الاتىندار كەدەيلەر ساناتىنا جاتقىزىلادى.
