Ázilkesh Nurlan Sabýrovtyń Reseige kirýine tyiym salý týraly sheshimdi Reseidiń Federaldy qaýipsizdik qyzmeti (FSB) bastaǵan. Bul týraly «Vajnye istorii» basylymy Sabýrovqa jaqyn derekkózge silteme jasap habarlaidy, dep jazady Dalanews.kz.
Derekkózdiń aitýynsha, tyiym salýdyń basty sebebi - Qazaqstan azamaty Nurlan Sabýrovtyń reseilik arnaiy qyzmettermen yntymaqtastyq ornatýdan bas tartýy. Komik birneshe ret FSB-ǵa shaqyrylyp, áriptestikke kóndirýge tyrysqanymen, ol bul usynystarǵa naqty kelisim de, resmi bas tartý da bildirmegen.
Osy jaǵdaiǵa bailanysty Sabýrovqa Reseide turýǵa yqtiiarhat alý boiynsha úsh ret bas tartylǵan.
Aqparat kózi komikti sońǵy ret FSB 2025 jyly shaqyrǵanyn atap ótti. Sol kezde oǵan tańdaý usynylǵan: Resei Qorǵanys ministrligimen kelisimshartqa qol qoiyp, bir jylǵa maidanǵa attaný nemese Reseiden ketý.
Derekkózdiń málimdeýinshe, Nurlan Sabýrov óziniń «proreseilik ustanymyn» kórsetýge tyrysyp, «Vsio dlia pobedy» qoryna eki million rýbl aýdarǵan, sondai-aq «arnaiy áskeri operatsiia qajettilikteri úshin» on mototsikl tapsyrǵan. Alaida bul áreketter de Reseige kirýge salynǵan tyiymdy joiýǵa áser etpegen.
