ازىلكەش نۇرلان سابۋروۆتىڭ رەسەيگە كىرۋىنە تىيىم سالۋ تۋرالى شەشىمدى رەسەيدىڭ فەدەرالدى قاۋىپسىزدىك قىزمەتى (فسب) باستاعان. بۇل تۋرالى «ۆاجنىە يستوريي» باسىلىمى سابۋروۆقا جاقىن دەرەككوزگە سىلتەمە جاساپ حابارلايدى، دەپ جازادى Dalanews.kz.
دەرەككوزدىڭ ايتۋىنشا، تىيىم سالۋدىڭ باستى سەبەبى - قازاقستان ازاماتى نۇرلان سابۋروۆتىڭ رەسەيلىك ارنايى قىزمەتتەرمەن ىنتىماقتاستىق ورناتۋدان باس تارتۋى. كوميك بىرنەشە رەت فسب-عا شاقىرىلىپ، ارىپتەستىككە كوندىرۋگە تىرىسقانىمەن، ول بۇل ۇسىنىستارعا ناقتى كەلىسىم دە، رەسمي باس تارتۋ دا بىلدىرمەگەن.
وسى جاعدايعا بايلانىستى سابۋروۆقا رەسەيدە تۇرۋعا ىقتيارحات الۋ بويىنشا ءۇش رەت باس تارتىلعان.
اقپارات كوزى كوميكتى سوڭعى رەت فسب 2025 جىلى شاقىرعانىن اتاپ ءوتتى. سول كەزدە وعان تاڭداۋ ۇسىنىلعان: رەسەي قورعانىس مينيسترلىگىمەن كەلىسىمشارتقا قول قويىپ، ءبىر جىلعا مايدانعا اتتانۋ نەمەسە رەسەيدەن كەتۋ.
دەرەككوزدىڭ مالىمدەۋىنشە، نۇرلان سابۋروۆ ءوزىنىڭ «پرورەسەيلىك ۇستانىمىن» كورسەتۋگە تىرىسىپ، «ءۆسو دليا پوبەدى» قورىنا ەكى ميلليون رۋبل اۋدارعان، سونداي-اق «ارنايى اسكەري وپەراسيا قاجەتتىلىكتەرى ءۇشىن» ون موتوسيكل تاپسىرعان. الايدا بۇل ارەكەتتەر دە رەسەيگە كىرۋگە سالىنعان تىيىمدى جويۋعا اسەر ەتپەگەن.
