Pavlodarda HAS qarjy piramidasyn uiymdastyrýshylar men jetekshilerine qatysty úkim shyqty, – dep habarlaidy Dalanews.kz.
Ózderin syrtqy ekonomikalyq qyzmetpen ainalysatyn kompaniia retinde tanystyrǵan kúdiktiler azamattardy túrli investitsiialyq jobalarǵa aqsha salýǵa úgittep, ai saiyn 70%-ǵa deiin tabys alýǵa ýáde bergen.
Áleýmettik jelilerde jalǵan aktsiialar únemi jariialanyp turǵan, onyń ishinde Astana men Qosshy qalalarynda turǵyn úi salynatyny týraly aqparat ta bar. Belsendi qurylys júrgizilip jatqanyn kórsetý dekoratsiialar men arnaiy tehnika jaldanǵan.
"Saldarynan qarjy piramidasyna 5 myńnan asa salymshy tirkelgen", - dep jazylǵan habarlamada.
Sot 5 qatysýshyny 6 jyldan 12 jylǵa deiin bas bostandyǵynan aiyrýǵa úkim shyǵardy.
Sonymen qatar, zardap shekkenderge keltirilgen ziiandy óteý maqsatynda salymshylardyń aqshasyna alynǵan, quny 1 milliardtan asatyn múlik tárkilendi.
Aktivter qatarynda 4 páter, 18 kólik, 3 jer ýchaskesi, avtoturaq oryndary, kommertsiialyq emes ǵimarat jáne esepshottardaǵy aqsha bar.
