پاۆلوداردا HAS قارجى پيراميداسىن ۇيىمداستىرۋشىلار مەن جەتەكشىلەرىنە قاتىستى ۇكىم شىقتى، – دەپ حابارلايدى Dalanews.kz.
وزدەرىن سىرتقى ەكونوميكالىق قىزمەتپەن اينالىساتىن كومپانيا رەتىندە تانىستىرعان كۇدىكتىلەر ازاماتتاردى ءتۇرلى ينۆەستيسيالىق جوبالارعا اقشا سالۋعا ۇگىتتەپ، اي سايىن 70%-عا دەيىن تابىس الۋعا ۋادە بەرگەن.
الەۋمەتتىك جەلىلەردە جالعان اكسيالار ۇنەمى جاريالانىپ تۇرعان، ونىڭ ىشىندە استانا مەن قوسشى قالالارىندا تۇرعىن ءۇي سالىناتىنى تۋرالى اقپارات تا بار. بەلسەندى قۇرىلىس جۇرگىزىلىپ جاتقانىن كورسەتۋ دەكوراسيالار مەن ارنايى تەحنيكا جالدانعان.
"سالدارىنان قارجى پيراميداسىنا 5 مىڭنان اسا سالىمشى تىركەلگەن"، - دەپ جازىلعان حابارلامادا.
سوت 5 قاتىسۋشىنى 6 جىلدان 12 جىلعا دەيىن باس بوستاندىعىنان ايىرۋعا ۇكىم شىعاردى.
سونىمەن قاتار، زارداپ شەككەندەرگە كەلتىرىلگەن زياندى وتەۋ ماقساتىندا سالىمشىلاردىڭ اقشاسىنا الىنعان، قۇنى 1 ميللياردتان اساتىن مۇلىك تاركىلەندى.
اكتيۆتەر قاتارىندا 4 پاتەر، 18 كولىك، 3 جەر ۋچاسكەسى، اۆتوتۇراق ورىندارى، كوممەرسيالىق ەمەس عيمارات جانە ەسەپشوتتارداعى اقشا بار.
