2026 jylǵy qysqy Olımpıada oıyndaryna Qazaqstan atynan 36 sportshy qatysady. Ulttyq quramanyń sapynda 18 er jáne 18 áıel sportshy bar, dep habarlaıdy Dalanews.kz.

Olımpıada 6–22 aqpan aralyǵynda Italıanyń Mılan jáne Kortına-d’Ampesso qalalarynda ótedi. Qazaqstan qysqy Olımpıada oıyndaryna toǵyzynshy ret qatyspaq. El sportshylary 10 sport túri boıynsha baq synaıdy. 2022 jyly Beıjińde ótken Olımpıadamen salystyrǵanda, bıyl joldamalar sany ekige kóbeıgen.

Quramada Phónchhan–2018 Olımpıadasynyń qola júldegeri Iýlıa Galysheva, short-trekshiler Abzal Ajǵalıev pen Denıs Nıkısha, mánerlep syrǵanaýshy Mıhaıl Shaıdorov jáne frıstaıl sportshysy Anastasıa Gorodko bar. 18 sportshy úshin bul Olımpıada alǵashqy halyqaralyq doda bolmaq. Al ulttyq quramanyń eń jas qatysýshysy – 16 jastaǵy Asan Asylhan.