Qazaqstan Kaspii qubyr konsortsiýmy arqyly munai tasymaldaýdyń turaqsyzdyǵy aiasynda Ázerbaijan arqyly munai eksporttaýdyń qosymsha baǵyttaryn qarastyryp jatyr, dep habarlaidy dalanews.kz.
Atap aitqanda, Baký – Tbilisi – Djeihan jáne Baký – Sýpsa munai qubyrlary, sondai-aq Kaspii teńizi arqyly tasymaldaýdyń ózge de nusqalary qarastyrylýda.
«QazMunaiGaz» 2026 jyly Baký – Tbilisi – Djeihan munai qubyry arqyly jetkiziletin qazaqstandyq munai kólemin ótken jylmen salystyrǵanda 31%-ǵa arttyryp, 1,7 mln tonnaǵa jetkizýdi josparlap otyr.
Qazaqstan munaiy Aqtaý portynan tankerlermen Ázerbaijanǵa jetkiziledi. Odan keiin shikizat Baký – Tbilisi – Djeihan qubyryna túsip, Túrkiianyń Jerorta teńizi jaǵalaýyndaǵy Djeihan portyna deiin tasymaldanady.
2026 jylǵy qańtar-maýsym ailarynda Aqtaý portynan Baký – Tbilisi – Djeihan baǵytyna 704 myń tonna qazaqstandyq munai jóneltildi.
Baký – Tbilisi – Djeihan munai qubyrynyń uzyndyǵy 1768 shaqyrymdy quraidy. Onyń ótkizý qabileti jylyna 50 mln tonnadan asady.
Sonymen qatar Qazaqstan munaiynyń negizgi eksporttyq baǵyty burynǵydai Novorossiisk mańyndaǵy terminalǵa shyǵatyn Kaspii qubyr konsortsiýmynyń júiesi bolyp qala beredi.
