قازاقستان كاسپيي قۇبىر كونسورتسيۋمى ارقىلى مۇناي تاسىمالداۋدىڭ تۇراقسىزدىعى اياسىندا ەزەربايجان ارقىلى مۇناي ەكسپورتتاۋدىڭ قوسىمشا باعىتتارىن قاراستىرىپ جاتىر, دەپ حابارلايدى dalanews.kz.
اتاپ ايتقاندا, باكۋ – تبيليسي – دجەيحان جەنە باكۋ – سۋپسا مۇناي قۇبىرلارى, سونداي-اق كاسپيي تەڭٸزٸ ارقىلى تاسىمالداۋدىڭ ٶزگە دە نۇسقالارى قاراستىرىلۋدا.
«قازمۇنايگاز» 2026 جىلى باكۋ – تبيليسي – دجەيحان مۇناي قۇبىرى ارقىلى جەتكٸزٸلەتٸن قازاقستاندىق مۇناي كٶلەمٸن ٶتكەن جىلمەن سالىستىرعاندا 31%-عا ارتتىرىپ, 1,7 ملن تونناعا جەتكٸزۋدٸ جوسپارلاپ وتىر.
قازاقستان مۇنايى اقتاۋ پورتىنان تانكەرلەرمەن ەزەربايجانعا جەتكٸزٸلەدٸ. ودان كەيٸن شيكٸزات باكۋ – تبيليسي – دجەيحان قۇبىرىنا تٷسٸپ, تٷركييانىڭ جەرورتا تەڭٸزٸ جاعالاۋىنداعى دجەيحان پورتىنا دەيٸن تاسىمالدانادى.
2026 جىلعى قاڭتار-ماۋسىم ايلارىندا اقتاۋ پورتىنان باكۋ – تبيليسي – دجەيحان باعىتىنا 704 مىڭ توننا قازاقستاندىق مۇناي جٶنەلتٸلدٸ.
باكۋ – تبيليسي – دجەيحان مۇناي قۇبىرىنىڭ ۇزىندىعى 1768 شاقىرىمدى قۇرايدى. ونىڭ ٶتكٸزۋ قابٸلەتٸ جىلىنا 50 ملن توننادان اسادى.
سونىمەن قاتار قازاقستان مۇنايىنىڭ نەگٸزگٸ ەكسپورتتىق باعىتى بۇرىنعىداي نوۆوروسسييسك ماڭىنداعى تەرمينالعا شىعاتىن كاسپيي قۇبىر كونسورتسيۋمىنىڭ جٷيەسٸ بولىپ قالا بەرەدٸ.
