Qazaqstanda 1 787 adamnyń meditsinalyq qarsy kórsetilimderi bola tura avtokólik basqarǵany anyqtaldy, dep habarlaidy Dalanews.kz.
"Densaýlyq saqtaý ministrligi ishki ister ministrligimen birlesip, meditsinalyq qarsy kórsetilimderi bar adamdardyń kólik quralyn basqarýyna jol bermeý jáne olardy anyqtaý boiynsha júieli jumys júrgizýde. 2025 jylǵy 10 jeltoqsandaǵy jaǵdai boiynsha sot organdaryna 4 540 talap aryz joldandy. Olar qaralǵannan keiin 1 787 adamǵa berilgen júrgizýshi kýálikteriniń kúshi joiyldy. Atalǵan azamattardyń kólik basqarýǵa meditsinalyq turǵydan quqyǵy bolmaǵan", - delingen Densaýlyq saqtaý ministrliginiń baspasóz qyzmeti taratqan habarlamada.
Vedomstvolardyń tsifrlyq integratsiiasy aiasynda IIM Densaýlyq saqtaý ministrliginiń "Dispanserlik naýqastardyń elektrondy tirkelimi" aqparattyq júiesine qosylyp, dispanserlik esepte turǵan 369 888 azamat boiynsha derekter taldandy. Tekserý nátijesinde olardyń 273 819-y buryn júrgizýshi kýáligin almaǵany anyqtaldy.
Al qalǵan 96 069 adam boiynsha mynadai jaǵdai tirkeldi: 41 677 adamnyń kýáligi derekter túsken sátte jaramsyz bolyp eseptelgen, al 54 392 azamattyń júrgizýshi kýálikteri áli de jaramdy bolǵan.
