قازاقستاندا 1 787 ادامنىڭ مەديتسينالىق قارسى كٶرسەتٸلٸمدەرٸ بولا تۇرا اۆتوكٶلٸك باسقارعانى انىقتالدى, دەپ حابارلايدى Dalanews.kz.
"دەنساۋلىق ساقتاۋ مينيسترلٸگٸ ٸشكٸ ٸستەر مينيسترلٸگٸمەن بٸرلەسٸپ, مەديتسينالىق قارسى كٶرسەتٸلٸمدەرٸ بار ادامداردىڭ كٶلٸك قۇرالىن باسقارۋىنا جول بەرمەۋ جەنە ولاردى انىقتاۋ بويىنشا جٷيەلٸ جۇمىس جٷرگٸزۋدە. 2025 جىلعى 10 جەلتوقسانداعى جاعداي بويىنشا سوت ورگاندارىنا 4 540 تالاپ ارىز جولداندى. ولار قارالعاننان كەيٸن 1 787 ادامعا بەرٸلگەن جٷرگٸزۋشٸ كۋەلٸكتەرٸنٸڭ كٷشٸ جويىلدى. اتالعان ازاماتتاردىڭ كٶلٸك باسقارۋعا مەديتسينالىق تۇرعىدان قۇقىعى بولماعان", - دەلٸنگەن دەنساۋلىق ساقتاۋ مينيسترلٸگٸنٸڭ باسپاسٶز قىزمەتٸ تاراتقان حابارلامادا.
ۆەدومستۆولاردىڭ تسيفرلىق ينتەگراتسيياسى اياسىندا ٸٸم دەنساۋلىق ساقتاۋ مينيسترلٸگٸنٸڭ "ديسپانسەرلٸك ناۋقاستاردىڭ ەلەكتروندى تٸركەلٸمٸ" اقپاراتتىق جٷيەسٸنە قوسىلىپ, ديسپانسەرلٸك ەسەپتە تۇرعان 369 888 ازامات بويىنشا دەرەكتەر تالداندى. تەكسەرۋ نەتيجەسٸندە ولاردىڭ 273 819-ى بۇرىن جٷرگٸزۋشٸ كۋەلٸگٸن الماعانى انىقتالدى.
ال قالعان 96 069 ادام بويىنشا مىناداي جاعداي تٸركەلدٸ: 41 677 ادامنىڭ كۋەلٸگٸ دەرەكتەر تٷسكەن سەتتە جارامسىز بولىپ ەسەپتەلگەن, ال 54 392 ازاماتتىڭ جٷرگٸزۋشٸ كۋەلٸكتەرٸ ەلٸ دە جارامدى بولعان.
