Otyrys barysynda tekserý sharalary bastalatyn jańa tulǵalardy tıisti reestrge engizý máseleleri talqylandy.
Buǵan deıin reestrge engizilgen keıbir tulǵalar boıynsha kinásin moıyndaý jáne zańsyz alynǵan múlikti óz erkimen qaıtarý týraly prosesýaldyq kelisim jasaý josparlanýda.
Budan bólek, reestrdegi jekelegen sýbektilerdiń jáne olarǵa úlestes tulǵalardyń shyǵý tegi túsiniksiz múlkin memleket kirisine aýdarýdy májbúrleý týraly talaptar qoıylady.
Premer-Mınıstr Memleket basshysynyń zańsyz ıemdenilgen aktıvterdi memleketke qaıtarý týraly sheshimi – «Ádiletti Qazaqstandy» qurý prosesiniń jalǵasy ekenin atap ótti. Sońǵy 2 jylda elge jalpy somasy 1 trln teńgege jýyq aktıvter qaıtaryldy.
Búginde aýqymdy jumys aıasynda 344 jyljymaly jáne jyljymaıtyn múlik obektisi, sonyń ishinde shetelde 131 obekt anyqtaldy. Jalpy quny 448 mlrd teńge qundy qaǵazdar boıynsha málimet alyndy. Somasy 220 trln teńge bolatyn bank operasıalary, onyń ishinde 1,4 trln teńgeni quraıtyn kúmándi operasıalar tekserilýde.
«Bizdiń ortaq mindetimiz – zańsyz ıemdenilgen aktıvterdi qaıtarýdy qamtamasyz etý jáne olardy qoǵam men memleket ıgiligi úshin paıdalaný», — dedi Álıhan Smaıylov.
Premer-Mınıstr talqylaý qorytyndysy boıynsha memlekettik organdarǵa tıisti tapsyrmalar berdi.
Komısıa jumysy jalǵasýda.
Foto: Úkimetten
