وتىرىس بارىسىندا تەكسەرۋ شارالارى باستالاتىن جاڭا تۇلعالاردى ءتيىستى رەەسترگە ەنگىزۋ ماسەلەلەرى تالقىلاندى.
بۇعان دەيىن رەەسترگە ەنگىزىلگەن كەيبىر تۇلعالار بويىنشا كىناسىن مويىنداۋ جانە زاڭسىز الىنعان مۇلىكتى ءوز ەركىمەن قايتارۋ تۋرالى پروسەسسۋالدىق كەلىسىم جاساۋ جوسپارلانۋدا.
بۇدان بولەك، رەەستردەگى جەكەلەگەن سۋبەكتىلەردىڭ جانە ولارعا ۇلەستەس تۇلعالاردىڭ شىعۋ تەگى تۇسىنىكسىز مۇلكىن مەملەكەت كىرىسىنە اۋدارۋدى ماجبۇرلەۋ تۋرالى تالاپتار قويىلادى.
پرەمەر-مينيستر مەملەكەت باسشىسىنىڭ زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى شەشىمى – «ادىلەتتى قازاقستاندى» قۇرۋ پروسەسىنىڭ جالعاسى ەكەنىن اتاپ ءوتتى. سوڭعى 2 جىلدا ەلگە جالپى سوماسى 1 ترلن تەڭگەگە جۋىق اكتيۆتەر قايتارىلدى.
بۇگىندە اۋقىمدى جۇمىس اياسىندا 344 جىلجىمالى جانە جىلجىمايتىن مۇلىك وبەكتىسى، سونىڭ ىشىندە شەتەلدە 131 وبەكت انىقتالدى. جالپى قۇنى 448 ملرد تەڭگە قۇندى قاعازدار بويىنشا مالىمەت الىندى. سوماسى 220 ترلن تەڭگە بولاتىن بانك وپەراسيالارى، ونىڭ ىشىندە 1،4 ترلن تەڭگەنى قۇرايتىن كۇماندى وپەراسيالار تەكسەرىلۋدە.
«ءبىزدىڭ ورتاق مىندەتىمىز – زاڭسىز يەمدەنىلگەن اكتيۆتەردى قايتارۋدى قامتاماسىز ەتۋ جانە ولاردى قوعام مەن مەملەكەت يگىلىگى ءۇشىن پايدالانۋ»، — دەدى ءاليحان سمايىلوۆ.
پرەمەر-مينيستر تالقىلاۋ قورىتىندىسى بويىنشا مەملەكەتتىك ورگاندارعا ءتيىستى تاپسىرمالار بەردى.
كوميسسيا جۇمىسى جالعاسۋدا.
فوتو: ۇكىمەتتەن