Soltústik Qazaqstan oblysy eldegi eń joǵary damý qarqynyn kórsetip otyrǵan óńirlerdiń biri. Bul týraly Ortalyq kommýnikatsiialar qyzmetindegi brifingte óńir ákimi Ǵaýez Nurmuhambetov málimdedi, dep habarlaidy Dalanews.kz
Prezident júktegen mindet – jyl qorytyndysy boiynsha ekonomikanyń keminde 6,5% ósýin qamtamasyz etý aiasynda SQO búginde alda kele jatqan dinamikany kórsetýde. Onynshy aidyń qorytyndysy boiynsha qysqa merzimdi ekonomikalyq indikator 13% qurap, oblys Qazaqstan óńirleri arasynda 5-oryndy ielendi.
Negizgi salalardyń barlyǵy derlik turaqty ósim kórsetýde. On aida aýyl sharýashylyǵy 9,3%-ǵa, ónerkásip – 19,1%-ǵa, qurylys – 30,1%-ǵa ósti. Turǵyn úidi paidalanýǵa berý kólemi 3,9%-ǵa artty, investitsiialar kólemi 7,3%-ǵa ulǵaidy.
Mundai kórsetkishter Soltústik Qazaqstan oblysy qazirgi syn-qaterlerge senimdi túrde tótep berip qana qoimai, el ekonomikasynyń ósý draiverleriniń birine ainalyp kele jatqanyn dáleldeidi.
