Ulttyq Bank "Sport" seriiasynan "QAZAQSTANNYŃ FÝTBOL KLÝBTARY" jáne "QAZAQSTANNYŃ FÝTBOL FEDERATsIIaSY" kollektsiialyq monetalary satyla bastaitynyn habarlaidy, dep jazady Dalanews.kz.
"QAZAQSTANNYŃ FÝTBOL KLÝBTARY" monetalarynyń 13 túri árqaisysy 7 000 danadan shyǵarylǵan. Olardyń ishinde 5 000 moneta jeke blisterde, 2 000 moneta sývenirlik blister jiyntyǵynda usynylady.
2 000 danamen shyǵarylǵan sývenirlik blister jiyntyǵy "QAZAQSTANNYŃ FÝTBOL KLÝBTARY" 13 túrli monetadan jáne bir dana "QAZAQSTANNYŃ FÝTBOL FEDERATsIIaSY" monetasynan turady.
Barlyq moneta melhior qocpasynan (MN 25) jasalǵan, salmaǵy – 15 gramm, diametri – 33 mm, daiyndaý sapasy – brilliant uncirculated, nominaly – 200 teńge.
"QAZAQSTANNYŃ FÝTBOL KLÝBTARY" monetalary:
Kollektsiialyq monetalar Qazaqstan Respýblikasynyń búkil aýmaǵynda ózderiniń belgilengen qunyna sai tólemderdiń barlyq túri boiynsha qabyldaýǵa, sondai-aq eldiń barlyq bankinde banktik shottarǵa esepke alýǵa, aýdarýǵa, usaqtaýǵa jáne aiyrbastaýǵa jatatyny naqtylanady.
Kollektsiialyq monetalar Qazaqstan teńge saraiynda daiyndaldy.
